Bunıñ aqqında Qırım uquq qoruyıcı gruppasınıñ reberi Olga Skripnik bildirdi, haber ete Azatlıq radiosı. 

“Rusiye Federatsıyasınıñ strategik vazifesi - eali terkibini deñiştirmektir. Qayd etilebilgenimiz yönelişlerden biri - askeriyleştirilgen ealiniñ başqa yerge köçüvi. Arbiyler ve quvetli terkipler aqqında söz kete. Bundan da ğayrı, Rusiye bunı öz territoriyası dep sayğanına köre, olar hızmet yolculığı içün degil, daimiy iş içün, yani ailelernen beraber köçeler. Bir federal telükesiz hızmetçisi aqqında söz ketse, bunı üçke arttırabilemiz, çünki o, meselâ, ömür arqadaşı ve balasınen kele”, - qayd etti Skripnik. 

Daa şunı qayd etti ki, Rusiyede propaganda ve Qırımğa köçmege doğru reklaması süre.

“Bütün bunıñ zemininde müim olğan meyili şusı ki, o (Rusiye), ukrain tarafdarı olğan ealini ya yoq etmege, ya mecburen sürgün etmege tırışa”, - qayd ete uquq qoruyıcı. 

Qırım uquq qoruyıcı gruppasınıñ başı qayd etkeni kibi, işğal etilgen Qırımdaki demografik vaziyetiniñ tetqiq etüvi ve qayd etilmesinde arbiy cinayetler içün cezalav aqqında qanunı yardım etmek kerek. O, ekinci oqutuvda qabul etilgen, amma yarım yıl içinde prezidentniñ imzalavısız ola.

Bizni Telegram’da oquñız