Rusiye, Qırımnıñ işğalinden soñ QF gemilerniñ miqdarını üç kerege artqan - Ukraina ADQ
Ukraina arbiy-deñiz quvetlerniñ reberi Aleksey Neyijpapa ilân etkeni kibi, Qırımnıñ işğalinden soñ Rusiye, Qara deñiz flottaki gemilerniñ sayısını artqan. Ayrıca, gemilerniñ miqdarı, üç kerege artqan.
Bunı “Azatlıq radiosı” bildire.
“Şarqiy qomşumız, bu altı yıl içinde gemi terkibiniñ sayısını qararnen üç kerege artqan. 2015 senesinden itibaren kelgen gemilerniñ episi, Wara deñiz flotına yol tuta ediler. O, altı suv astı gemisi, fregatlar, raketalı katerleri, yardımcı gemiler, devriyeler ve ilâhre”, - ilân etti o.
Neyijpapa daa şunı qoştı ki, Qara deñiz flotı, “Bal” ve “Bastio” raketalı komlekslerinen tolu olğan.
“Daa Qırım özü, şimdi - “batırılmağan aviataşıyıcısıdır”. Qırımnıñ zapt etüvinden soñ, onı qaytarmağa telükesinden marum olmaq içün, bu flot, zapt etilgen territoriyasınıñ imaye etilmesi içün platformalarınen tolu edi”, - dedi arbiy reberi.
Belli olğanı
- Cuma kunü ayriliq ayniñ 10 Rusiye Federatsiyasi Azaq deñizde gemi areketniñ sinirlavi aqqinda tenbiler çiqardi. Netidjede Azaq deñiz akvatoriyaniñ 70% azat gemi areketi içün qapatilğan oldi.
- The Guardian neşriyatı, britaniyalı istihbarattaki menbalarına atıf etip şimdi ukrain sıñırı yanında RF ordusınıñ tahminen 175 biñ arbiy hızmetçisi bulunğanını ve Rusiye, arbiy ücümi içün üç stenariyni baqqanını yaza.
Bizni Telegram’da oquñız