Qayd etilgeni kibi, sorğu içinde “Qırım birdemliginiñ” muhbiri, Qırım FTH hadimlerine fırqa azaları aqqında malümatnı muntazam tarzda alıp bergen FTH agentiniñ adını bilip oldı. 

Ruslan Mesutov, Ruslan Nagayev, Lenur Halilov ve Eldar Kantemirov şaatlatnıñ sorğusı, tahminnen dört saat süre edi. Şaatlarnıñ bazılarına malümatnı qırımtatar tilinden rus tiline ve aksine tercime etken terciman kerek olğan edi. İmaye tarafınıñ vekili Lilâ Gemeci, ekspert, müim olğan tafsilâtlarnıñ sırasını qaçırıp tercimelerde mantazam sürette hatalarnı yapqanı aqqında makemeni bir qaç sefer ihtar etken edi. 

Meselâ, Ruslan Mesutov, uquq qoruyıcı organlarnıñ hadimlerinen fırqağa yollanılğan insannen şahsen tanış olğanı aqqında tercimannen qayd etilmegen edi. 

“Men, qırımtatar tilniñ taşıyıcısı olaraq “birev” degil, belli olğan biri olğanını añladım”, - qayd etti advokat. 

Mesutov şunı qayd etti ki, bu insan, toplaşuvlarda ep iştirak etip iştirakçılarnıñ episinen müzakere etken edi. Amma soñra belli olğanı kibi, o, Enver Halilov, FTH’nıñ celp etilgen agenti ola. 

Bundan da ğayrı, Enver Halilovnıñ, ayrıca Zekirya Muratovnıñ sesini makemelengenlerniñ qabaatınıñ delili olaraq FTH’nen taqdim etilgen ses qayd etilmelerinde şaatlarnıñ episi tanığan. Siyasiy mabuslarnıñ sözlerine köre, “disklerde qayd etilgen sesler tevqif etilgen insanlarğa ait olalar. Halilov Enverden ğayrı”. 

Diñleviniñ soñunda Lilâ Gemici, makemeci Maşukovına şaat plaraq Enver Halilovnı sorüuğa çağıruvı aqqında şefaatını kösterdi, lâkin prokutor qarşı çıqtı. 

Belli olğanı 

• 2020 senesi oraq aynıñ 7 Qırımda kütleviy tintüvler vaqtında Zekirya Muratov, RF CK 205.5 maddesine köre, cinayet yapılmasında qabaatı boyunca tutıp alınğan edi. Aqmescit şeeriniñ Kiyev işğal rayon makemesi, sıñırlama tedbiri olaraq apis cezasını seçip alğan. Şimdi o, Rostov-na-Donudaki 1’ci taqiqat tevqifhanesinde buluna. Bu yılnıñ saban aynıñ 23 anda gipertonik tutuvını yaşadı. 

Bizni Telegram’da oquñız