RF arbiyleri işğal etilgen Qırımdaki operativ uçaq limanlarına aviatsıyasınıñ başqa yerge yerleştirüvini yahşı etip işlediler
Rusiye arbiy aviatsıyası oqutuvlarnı keçirdi. Bu oqutuvlar vaqtında Krasnodar ülkesinden işğal etilgen Qırımdaki operativ uçaq limanlarına uçaqlarnıñ başqa yerge yerleştirüvi yahşı etip işletilgen.
Bunıñ aqqında Rusiye Mudafaa nazirliginiñ matbuat hızmeti bildire.
Tafsilâtlıca oquñız: The Guardian, “Ukrainağa Rusiyeniñ arbiy ücüminiñ” versiyasını yayınladı
“Krasnodar ülkesinde yerleştirilgen AMA qarışıq aviatsıya birleşmesiniñ Su-27SMZ ve Su-30M2 çoq nişanlı qırıcılarnıñ ekipajları AMA mesüliyetlik zonasındaki operativ aerodrom, ayrıca Qırım uçaq limanlarına uçaqlarnıñ yerleştirüvi üzerinde çalıştılar. Anda tehnikalarnıñ vaqtınca noqtaları ve aviatsıya silâlaştıruv mütehassıslarnıñ iş yerleri açılğan ediler. Bundan da ğayrı, uçuvlar vaqtında uçucılar qayd etilgen uçaq limanlarına faraziy duşmanına iat olğan bombardıman uçaqlarıñ ücüminiñ kösterilmesine dair vazifelerni yahşı etip işlediler”, - denile beyanatta.
Belli olğanı
- Qırım “Opuk” poligonında işğalcılar desant-ücüm ve artilleriya ve radiatsıya, himik ve biologik imaye etüv bölüklerniñ celp etüvi ile oqutuvlarnı keçirmege planlaştıralar.
- İşğal etilgen Qırımda rusiye arbiyleri “diversiyalı gruppalarnıñ ücümına qarşı çıqmasına” dair oqutuvlarnı keçirdiler.
- Qırımnıñ işğal memuriyeti, askerlikke mecbur olğanlarnı qara qış aynıñ 20 “olar içün tayin etilgen yerlerge” kelmege mecbur etti.
- İşğal etilgen Qırımda “ApMI-2022” ordu oyunlarına azırlıq çerçivelerinde rusiye asker bölgesiñ tank bölüklerniñ ekipajları, cenkâver atışlar üzerinde çalışalar.
- Ağda işğal etilgen Qırımğa rusiye arbiy tehnikasınıñ avuştıruvınıñ videosı peyda oldı.
Bizni Telegram’da oquñız