Qırım advokatları İAAŞ’na tınç toplaşuvlar içün mahküm etilgen faallerniñ “dava” malümatlarnı azırlaylaylar
İşğal “makemesiniñ” qararı ile memuriy tevqifiniñ türli müddetlerine mahküm etilgen faallerine qarşı memuriy işlerniñ malümatları tınç toplaşuvlarına ve adliye makemesine insan aqlarını bozğan soyları kibi İAAŞ’na berilüvine azırlanılalar.
Bunıñ aqqında “Qırım birdemliginen” yayınlandırılğan videosında advokat Nazim Şeyhmambetov haber etti.
“Dava malümatları boyunca İnsan aqları Avropa makemesine alıp berüvi azırlanıla. İAAŞ makemelerniñ böyle qararlarını tınç toplaşuvlarına, ayrıca, adliye makemesine de aqqını bozğan soylarını kibi tanığan ameliyatı belli”, - bildirdi Şeyhmambetov.
Qayd etilgeni kibi, İAAŞ’na “Qırım arbiy garnizon makemesiniñ” binası yanında tutıp alınğan ve epidemik vazyetinen bağlı kütleviy tedbirlerniñ keçirilmesine yasağınıñ bozuluvı içün (RF CK 20.6.1 m.) 10-14 künge qadar memuriy tevqifine mahküm etilgen faalleri Erecep Memeşev, İbragim Mir İbragimov, İskander Celâlov, Dilâver Memetov, Nariman Muydinov, Ali Sanayev ve Amethan Umerovğa dair memuriy davalarnıñ malümatları azırlanılalar.
Belli olğanı
- Qasım aynıñ 11 Aqmescitteki Merkeziy işğal rayon makemesi, advokat Edem Semedlâyevni 12 künge tevqif etken.
- Qasım aynıñ 23 işğal etilgen Aqmescitte 31 şahısnı tutıp aldılar. Olar memuriy tevqifiniñ 12 künden soñ advokat Edem Semedlâyevni qarşılamağa keldiler. Ukraina jurnalistlerniñ milliy cemiyeti, rusiye akimiyetiniñ areketlerinen memnün olmağanını bildirdi.
- Saba orta küz aynıñ 29 işğal etilgen Aqmescitte, tusiye makemesinde “Hizb ut-Tahrir davasında” 12-17 yılğa qadar azatlıqtan marum etilgen vatandaşlarına qol tutmaq içün Qırım garnizon makemesine kelgen 30 şahısnı tutıp aldılar.
- İşğal qıvetçiler, Aqmescitteki Qırım arbiy garnizon makemesine Qurmandaki Hizb ut-Tahrir davası boyunca istinafnıñ baquvına kelgen 21 qırımtatarını tutıp alğanlar. Olarnı Aqmescitteki 3-ci polis bölügine alıp ketirdiler.
Bizni Telegram’da oquñız
