Bunıñ aqqında TİN memurı Oleg Nikolenko ilân etti, haber ete “Ukrain aqiqatı”. 

“Ukrainanen Donbassta sanki dersiñ “arbiy ameliyatınıñ” azırlanması aqqında Rusiye presidentiniñ arizası kerçekke uymay. Ukraina, tek barışıqlıqqa ıntıla. Tınç ceryanınıñ çalışmağa başlaması içün ukrain idaresiniñ daimiy, ilk nevbette, “normand formatında” ıntıluvlar silâlı çatışmasınıñ çezilmesiniñ siyasiy-diplomatik yoluna Ukrainanıñ sadıqlığını köstereler”, - ilân etti Nikolenko. 

Tafsilâtlıca oquñız: Rusiye, Ukraina boyunca özek uruşını yapa bile - Stefançuk

Ukraina TİN, Rusiyeni Donbasstaki silâlı çatışmasınıñ ve ateşniñ toqtatılması aqqında añlaşmalarnıñ eda etilmesine diqqatını çekmege çağırdı. 

Belli olğanı 

• Cumaaqşamı matbuat konferentsıyası vaqtında Rusiye Prezidenti Vladimir Putin, “Donbassta nevbetteki arbiy ameliyatını” azırlağan Ukrainadır dep ilân etken. Ğarp ise -  onı evelden qarışmamağa mecbur etmege tırışıp sanktsıyalarnen qorquta. 
• Şimaliy atlantik alyansı, Rusiyeni, ğarbiy tarzda qayd etilgen (ilk qış aynıñ 25) Milât bayramınıñ arfesinde ukrain sıñırından öz arbiylerni çekip vilâyette kerginlikni azlaşmağa çağırdı. 
• The Guardian neşriyatı, britaniyalı istihbarattaki menbalarına atıf etip şimdi ukrain sıñırı yanında RF ordusınıñ tahminen 175 biñ arbiy hızmetçisi bulunğanını ve Rusiye, arbiy ücümi içün üç stenariyni baqqanını yaza. 

Bizni Telegram’da oquñız