UTH, “Vagner” ŞAK reberini şübe aqqında bildirdi

Присяжнюк Владислава
·
11:28, 23 Aralıqay
UTH, “Vagner” ŞAK reberini şübe aqqında bildirdi
Foto menbası: Associated Press

Telükesizlik hızmeti, 2014-2015 seneleri Debaltsevo astında ATO quvetlerine qarşı cenkâver areketlerniñ reberi olğan rusiye “Vagner” arbiy kompaniyasınıñ başını şübe aqqında bildirdi.

Bunıñ aqqında UTH matbuat hızmeti bildire.

“Ukrain tahqiqiy hızmetler makemeden evel tahqiqatnıñ çerçivelerinde ğıyabiy olaraq rusiye “Vagner” şahsiy arbiy kompaniyasınıñ (ŞAK) reberini şübe aqqında bildirdiler. Suikastçı, Ukrainanıñ tiyilmemezlik ve territorial bütünligine ve tecavuziy cenk keçirilmesine ait ola”, - denile beyanatta.

Uquq qoruyıcılarnıñ sözlerine köre, şübeli, ŞAK’nı RF gizli arbiy ameliyatlarnıñ yapılması içün idare etken rusiye vatandaşı ola.

“2014 senesi oraq ayından 2015 senesi saban ayına qadar o, Donetsk ve Lugansk vilâyetlerniñ vaqtınca işğal etilgen territoriyasında buluna edi. Suiqastçı, RF Silâlı quvetlerniñ memurlarınen evelki añlaşması boyunca ve olarnıñ nezareti astında areket etken edi”, - qayd ettiler matbuat hızmetinde. 

Tahqiqat iddia etkeni kibi, erkek, onıñ idaresi astında olğan ŞAK  bölüklerniñ reberi edi, bu bölükler RF ordularnıñ bölükleri ve qanubsız silâlı şekillenüvlerinen  beraber USQ qarşı cenkâver areketlerni keçire ediler. 

“Debaltsevo yönelişinde “Vagner” arbiylerinen ukrain mevamlarnı ateşke şiddetli tutuvınıñ aqiqatları vesiqalaştırılğan ediler. Bu uruşlarda  alınğan malümatlarına binaen ŞAK iştirakçıları Ukraina silâlı quvetleriniñ bölüklerine tirenüvi sebebinden büyük masraflarnı aldılar”, - haber ettiler UTH’de. 

Tahqiqatnıñ malümatına köre, vaqtınca işğal etilgen Donetsk ve Lugansk vilâyetlerniñ territoriyalarında bulunuvı vaqtında duşman zümreleşmesiniñ reberi, öz areketlerni RF 2’ci arbiy korpusınıñ sabıq başınen koordinatsıya etken edi. 

Endiden, erkekni Ukraina cinaiy kodeksiniñ 110 m. 3 q., 27 m. 5 q., 28 m. 2 q. ve 437 m. 2 q. boyunca cinayetlerniñ yapılmasında şübeleyler. 

Makemeden evel dava boyunca taqiqatı süre. Ukrainanıñ devlet telükesizligine qarşı cinayetler içün cinaiy mesüliyetligine celp etüvi içün şübelengenniñ halqara qıdıruvğa ilân etüvine dair meselesi çezile. 

Belli olğanı

  • İlk qış aynıñ 13 Avropa Birliginiñ Şurası, Rusiyedeki “Vagner” arbiy kompaniyası, reberi Dmitriy Utkinnen beraber onıñ sekiz hadimi ve onen bağlı olğan üç uquqiy şahısına dair sanktsıyalarnı kirsetti. Sanktsıyalar içün esas olaraq AB  Suriye, Libiya ve Ukrainada ŞAK areketlerni adladı. 

Bizni Telegram’da oquñız