Bunıñ aqqında RF mudafaasınıñ matbuat hızmetinde haber etile. 

Qayd etilgeni kibi, umunen idmanlarda 200 ziyade arbiy hızmetçisi iştirak etken, silânıñ ve arbiy tehnikasınıñ tahminen 50 danesi qullanılğan edi. 

Tafsilâtlıca oquñız: NATO’nıñ tez cevap berüviniñ quvetleri, RF tecavuzı telükesi sebebinden acele uruşqa qabiliyetligine alıp ketirilgenler

“Qara deñiz flotnıñ arbiy bölgelerinde ve Qırımğa alıp ketirilgen Cenübiy arbiy bölük korpusında arbiy inşaat obyektlerine faraziy duşmanınıñ diversiyalı istihbarat gruppalarnıñ ücüm etüviniñ kösterilmesine dair nevbetteki bölüklernen idmanlar keçti”, - denile beyanatta.

Belli olğanı

• Qırımnıñ işğal memuriyeti, askerlikke mecbur olğanlarnı qara qış aynıñ 20 “olar içün tayin etilgen yerlerge” kelmege mecbur etti.
• İşğal etilgen Qırımda “ApMI-2022” ordu oyunlarına azırlıq çerçivelerinde rusiye asker bölgesiñ tank bölüklerniñ ekipajları, cenkâver atışlar üzerinde çalışalar. 
• İlk qış aynıñ 13 RF Mudafaa nazirliginde işğal etilgen Qırımnıñ poligonında RF arbiyleri qış devri içinde arbiy oqutuvlarnıñ keçirilmesi içün tar lagerni açqanlarını haber ettiler. 
• NATO’nıñ malümatına köre, Rusiye, 75 biñden 100 biñge qadar arbiyni topladı, o ise - 2014 senesiniñ tektarlamasını peyda ettire. O vaqıt Rusiye, ukrain olğan Qırım yarımadasını ve Donetsk ve Lugansk vilâyetlerni işğal etip Donbassta silâlı çatışmanı başladı. 
• Cuma kunü ayriliq ayniñ 10 Rusiye Federatsiyasi Azaq deñizde gemi areketniñ sinirlavi aqqinda tenbiler çiqardi. Netidjede Azaq deñiz akvatoriyaniñ 70% azat gemi areketi içün qapatilğan oldi.
• Ağda işğal etilgen Qırımğa rusiye arbiy tehnikasınıñ avuştıruvınıñ videosı peyda oldı.

Bizni Telegram’da oquñız