Bunıñ aqqında insan aqları vilâyet merkeziniñ uquqçısı Nikokay Kikkas, Qırımda Ukrainanıñ medeniy mirasına ve milliy ukrain kimligine işğalcı devletiniñ menfiy tesiriniñ tahqiqat netecelerniñ taqdim etilmesi vaqtında bildirdi. 

Onıñ sözlerine köre, o, işğal yarımadasında RF siyasetiniñ neticesidir. Qırımdan UOK sıqıştırıp çıqaruv usullarnıñ arasında uquqçı, rusiye pasportından ğayrı, kilse hızmetçileri içün başqa pasportnıñ saibi olmağa yasağını, kilseniñ taqip etüvini ve kilse malnıñ zapt etüvini adladı.

Tafsilâtlıca oquñız: Qirimda insan aqlar bozuvlarniñ butün spektri qayd etile - BHT vekili

Bundan da ğayrı, işğalcılar kilselerniñ yañıdan resmiyleştirüvine keder etip öz işğa KHV’da papazlar ve imanlılarnı itibardan tüşüreler. 

“2014 senesi Ukraina ortodokslıq kilsesi, qırım territoriyasında 45 parafiyası, 26 ibadethaneni saydılar, qırım yeparhiyasınıñ ştatında 14 aziz hızmetçisi edi. Türlü esaplavlarına köre, bugünki kününe qadar, tek yedi parafiyası, sekiz ibadethane binası qaldı ve tek dört aziz hızmetçisi hızmet ete. Em de, papaz, işğal paspotnı alamağanına köre, Qırım territoriyasında qalıp olamağanı sebebinden vaht usulı ile hızmet etkende bir vaqianı bilemiz”, - tarif etti Nikolay Kikkas.

Daa insan aqlarınıñ vilâyet merkeziniñ ekspertleri RF’nıñ işğal etilgen Qırımda ukrain kimligine menfiy tesiri aqqında tarif ettiler. Ayrıca, işğalcılar malümat vakuumnı yaratalar, müessiselerden bütün ukrain yazılarnı çıqaralar, Ukrainanı añdırğan er tarihiy ve mimar abidelerni viran eteler ve kösterme tarzda faallerni qorqutalar. 

“O, kösterüv cezalav, taqip etüvler, işkenceler, tevqifler, ukrain tarafdarları olğan faallerniñ, er bir çaresi ile Ukrainağa destegini köstergen insanlarnıñ qorqutuvı. Ayaqmaşnasına yarlıçığını yapıştırğan soñ bu yarlıçıq içün onı urabileler(…) O, Ukrainanen alâqalı olğan er şeyiniñ yoq etüvi,o, biberek abodesi olsa bile. Onı da yoq eterler, çünki o, Ukrainanen bağı. Rusiyede de öyle şeyler bar olğanına baqmadan”, - qayd etti “İnsan aqlarnıñ vilâyet merkezi” CT uquqçısı Darina Podgornaya.

Bizni Telegram’da oquñız