Nariman Ametovda qanunsız tintüvler ve tutıp esir etüv aqiqatları boyunca cinaiy davası açılğan
Qırım MC ve Aqyar ş. prokuraturası, Nariman Ametovnıñ evinde qanunsız tintüvler ve işğal mahsus hızmetlerinen onıñ tacavüziy tutıp esir etüv aqiqatlatı boyunca cinaiy davasını açqan.
Bunıñ aqqında İçtimaiy Qırımnıñ tefsirinde Qırım MC ve Aqyar ş. prokuraturasınıñ matbuat hızmetinde bildirdiler.
Qayd etilgeni kibi, şimdi Ukrainanıñ CK 162 m. 2 q. “Mesken tiyilmemezligi” ve Ukrainanıñ CK 146 m. 2 q. “Azatlıqtan qanunsız tarzda marum etüvi ya da aynı tarzda insannıñ tutıp esir etüvi” boyunca cinaiy davası açılğan.
Tafsilâtlıca oquñız: Qırımtatar faali Nariman Ametov, işğalcılarğa işkenceler aqqında tarif etti
“Bu aqiqatnı teşkerecekler ve onıñ tasdıq etilgen alda uyğun uquqiy baası berilecek”, - qayd ettiler idarede.
Bundan da ğayrı, Nariman Ametovğa onıñ qanunsız tutuvı vaqtında işkenceniñ qullanuvı sebebinden muhtariyet prokuraturası, cenk qanunlar ve adetlerniñ bozuluv (Ukraina CK 438 m. 1 q.) aqiqatı boyunca cinaiy davanı açqan.
Belli olğanı
- Araliq ayniñ 17, saat 05:50 Eski Qirimda yaşağan faalniñ Nariman Ametovniñ evine işğalcilar tintüvnen keldiler. O er vaqit qirimtatarlar davalari ile mahkemelerini ziyaret ete edi. Oñi sañki Aqmescitte, subet keçirmek içün alip kettiler.
Bizni Telegram’da oquñız
