Bunıñ aqqında advokat, Facebook’ta “Qırım birdemliginen” yayınlandırılğan videosında bildirdi. 

“Makeme, istinaf şikâyetini qanaatlendirmedi. Yani Merkeziy rayon makemesiniñ qararı, qanuniy quvetini alğan. Endi 4 biñ miqdarında cöremeni ödetmege mecburım, başqa memuriy protokolına köre, memuriy tevqifiniñ 14 kününi keçirdim”, - bildirdi Semedlâyev. 

Onıñ sözlerine köre, “Qırımnıñ advokatlar palatasınen” beraber işğal makemesiniñ qararını esas qanun makemesinde temyiz etecek.

Tafsilâtlıca oquñız: “Halq qoruyıcı”, advokat Edem Semedlâyevniñ tevqif ve serbest etüv ikâyesi

Semedlâyev tüşüngeni kibi, oña dair memuriy protokollarnıñ resmiyleştirüvi içün onıñ tarafından uquq bozuluvlar degil, esas olaraq ekstremizmge qarşı merkeziniñ hadimi Ruslan Şambazovnıñ şahsiy adaveti edi. 

“Menimce, o, şahsiy bir adaveti edi, çünki qanun qaidelerini qullanmay edi ve protokollarnı yazdırğan esaslar eğ deñişe ediler. De ses qayd etilmesini, de video qayd etilmesini yapqanımda qabaatlay ediler, soñra ise ekisiniñ yapmasında qabaatlay ediler. Uquq bozuluv obyekti - masadaki telefonnıñ peyda ettirilmesi içün içki kiyimniñ közetilmesinde keregi olmağan edi.  Buna köre, o, şahsiy bir duşmanlıq olğanını değ tüşünem”, - dep saya advokat. 

Semedlâyev qayd etkeni kibi, bu ikrahnıñ sebepleri oña belli degil, çünki “E” merkezdeki hadiminen şahsiy bağında bulunmay edi, tek advokat faaliyeti çerçivelerinde bağları bar edi. 

Belli olğanı

• Qasım aynıñ 11 Aqmescitteki Merkeziy işğal rayon makemesi, advokat Edem Semedlâyevni 12 künge tevqif etken.
• Qasım aynıñ 23 işğal etilgen Aqmescitte 31 şahısnı tutıp aldılar. Olar memuriy tevqifiniñ 12 künden soñ advokat Edem Semedlâyevni qarşılamağa keldiler. Ukraina jurnalistlerniñ milliy cemiyeti, rusiye akimiyetiniñ areketlerinen memnün olmağanını bildirdi. 
• QMC Prokuraturası, işğal etilgen Qırımda advokat Edem Semedlâyevniñ serbest etüvine qol tutqan qırımtatarlarnıñ qanunsı tutıp alıvlarnıñ aqiqatı boyunca cinaiy davasını başladı.
• Uquqçılarnıñ «Lawyers for lawyers» uquq qoruyıcı teşkilâtı, Rusiyeni evelden tevqif etilgen advokatı Edem Semedlâyevniñ taqip etüvlerni toqtatmağa çağırıp işğal etilgen Qırımda qoruyıcılarnıñ işini basqısız kefalet etmege çağırdı.

Bizni Telegram’da oquñız