Bunıñ aqqında Ukrainada AQŞ eşçiligi bildire. 

“AQŞ vatandaşlarnıñ Rusiyenen Ukrainağa qarşı planlaştırılğan arbiy areketlerine dair beyanatları aqqında haberi olmaq kerek. AQŞ vatandaşlarına da şunı hatırlamaq kerek ki, Ukraina sıñırları üzerinde, Rusiyenen işğal etilgen Qırımda vr Rusiyenen nezaret etilgen Ukrainanıñ şarqiy qısmında telükesizlik şaraitleri evelden bilinmeyecek olıp evelden yapılabilgen ihtarlarsız kerginleşebile”, - denile beyanatta. 

Tafsilâtlıca oquñız: Rusiye, “cenk sebebini” yaratmağa tırışa - AQŞ senatorı

AQŞ devlet departamenti ihtar ete ki, Qırımdaki rusiye akimiyeti, “ecnebiylerni ve yerli ealini, ayrıca, Rusiyenen yarımadanıñ işğaliniñ duşmanı sayılğanlarnı öz ihtiyarınen apiske ete”. 

Daa vesiqada şusı denile ki, AQŞ akimiyeti, öz hadimlerge işğal etilgen Qırımğa ketmege yasaq ete. 

Belli olğanı 

• Rusiye, araliq ayniñ 7 AQŞ  Co Baydenniñ RF prezidentni Volodimir  Putinni qvağa deeskalaciyasina çağiruvina baqmayip, ukrain sinirlarina ordularini celp etmege devam ete. Rusie ticariy, avia ve demiryol reyslerini rus askerlerini ve arbiy tekhnikani areket etmek içün deniştire. AQŞ ve Ukraina resmiy şahsietlerniñ buniñ isbatlari bar.
• İlk qış aynıñ 16 Avropa parlamenti, Ukrainağa qarşı rusiye tecavuznıñ mahküm etilmesi boyunca qararını qabul etti.
• İlk qış aynıñ 16 Ukraina prezidenti Vladimir Zelenskiynen umumiy matbuat konferentsıyasında NATO baş kâtibi Ens Stoltenberg, kelecekte Ukrainağa qarşı tecavuzı olsa, onıñ aqibetleri qaba ve fiyatı yüksek olacaqlar dep ilân etti. 
• G7 ülkeleri RF, Ukrainağa ücüm etse, oña “ciddiy masraflarnı” vade eteler. 

Bizni Telegram’da oquñız