Bunıñ aqqında QRM saytında bildirile. 

“Qırımtatar resurs merkezi, Ukraina prezidenti, Ukraina Telükesizlik hızmetiniñ başı, Ukraina Yuqarı şurasınıñ başı, Ukraina Milliy banknıñ başınıñ adına  Rusiye Federatsıyasınıñ eki yüzden ziyade vatandaşına ve vaqtınca işğal etilgen Qırım Muhtar Cumhuriyet ve Aqyar şeeriniñ territoriyasında kontsert ya da halq ögünde yapılğan başqa faaliyetini keçirgen, yoqsa Ukraina qanunlarnı bozıp şahsiy işler sebebindrn yarımadanı ziyaret etken bazı devletlerine dair sanktsıyalarnı qullanmağa ricasınen mektüplerni azırladı”, - denile beyanatta.

Sanktsıyalar cedveline kirsetilecek olğan sanatkârlarnıñ arasında - Basta (Vasiliy Vakulenko), İrina Krug (İrina Vorobyova), ve işğal etilgen Qırımnı bir qaç sefer ziyaret etken Mihail Şufutinskiy.

Arizada qayd etilgeni kibi, Bastanıñ kontserti, ilk qış aynıñ 19 paytahttaki “Stereo Plaza” gece klubında ötkerilecek. Şufutinskiyniñ kontserti ise - 2022 s. saban aynıñ 8  Kiyevdeki Sport Sarayında planlaştırılğan. 

Belli olğanı 

• İlk qış aynıñ 11 Ukrainanıñ devlet sıñır hızmetiniñ hadimleri Türkiyeden kelgen ve vaqtınca işğal etilgen Qırımnı ziyaret etken Rusiye Federatsıyasınıñ eki vatandaşına ülkege 3 yıl içinde kirmege yasaq ettiler.
• 2015-2017 seneler içinde Basta, işğal etilgen Qırımda muntazam gastroller sebebinden Ukrainanıñ milliy telükesizligine havf ketirebilgen şahıslarğa ait olğan edi. 2021 senesi mayıs ayına qadar Vakulenko, bu cedvelde artıq bulunmay. 2021 senesi kiraz aynıñ 25 ve 26 rusiye reperi, Kiyevdeki Stereo Plazasında eki kontsertni keçirdi. 
• Orta küz aynıñ 8 Kiyevde, evelden işğal etilgen Qırımnı ziyaret etken rusiye yırcısı İrina Krugnıñ kontserti olıp keçken. 
• Saban aynıñ 18 Rusiye artistine kirmege yasağı aqqında ricasınen “Avropa birdemligi” fırqasından YUŞ deputatı Aleksey Gonçarenko çıqışta bulundı.

Bizni Telegram’da oquñız