Rusiye ordularini ukrain sinirlarina celp etmege devam ete - SNN
Rusiye, araliq ayniñ 7 AQŞ Co Baydenniñ RF prezidentni Volodimir Putinni qvağa deeskalaciyasina çağiruvina baqmayip, ukrain sinirlarina ordularini celp etmege devam ete. Rusie ticariy, avia ve demiryol reyslerini rus askerlerini ve arbiy tekhnikani areket etmek içün deniştire. AQŞ ve Ukraina resmiy şahsietlerniñ buniñ isbatlari bar.
Buni SNN, AQŞ istihbarat organlarina bağlanip, haber etti.
Amerikali neşirniñ subetdaşi beyan etti ki, rus komandanliği ukrain sinirlari boü qoşma bolüklerini erleştirmege devam ete. SNN yoldaş resimlerine korüne ki, soñki kunler devaminda arbiy tekhnikasi ukrain sinirinda 50 km yaqin erleştirgen.
Jurnalistlerge berilgen yoldaş resimlerden belli oldi ki, il kuz ayniñ 7 araliq ayniñ 5 rus arbiy tekhnikaniñ miqdari çoqlaşti ve Soloti koyniñ rayoninda yañi bolük peyda oldi. Bu Ukraina sinirindan 30 km uzaqtir.
Daa oquñiz: MTMş ucumlanmaq içün RF ne qadar askerler kerek qimet kestiler
CNA Rusiye tedqiq programmaniñ mudiri Maykl Kofman qayd etti ki, piyade ordularina, 3-motoatiş diviziyasina yañi bolük yaratildi. Aytqanina köre, ordularniñ esas çoqlaşuv menbasi Voronejde, yelnde ve işğal etilgen Qirimda erleştirilgen.
Amerikali istihbaratniñ soñki qiymetlerine kore, 50 ziyade “batalyon taktik gruppalar” Ukraina siniri boyu erleştirilgen, da alti danesi yolda bulunalarü Bu taqimlar adet uzde mahsus terkibniñ 900 askerden ibaret. Er kezi mustaqil cenkyaver askerlernen olalar. Olar toplarnen, tank qarşi silyalarnen, injener ve istihbarat bolüklernen çalişalar. BTG 2014 senesi Ukrainada rus arbiy faalietniñ esas iştiraqçilernen ediler.
Belli olğani
- Araliq ayniñ 16 Rusiye işğal etilgen Qirimda deñiz aviaciyaniñ bombardımanlarniñ qırıcılprnen ortaq oquvlarini keçirdi. “Bastion” gemiqarşi ratektali kompleks ile Qara deñizde olğan nişanlarini yoq etmege ogrengen ediler.
- Araliq ayniñ 13 RF Mudafaa nazirligi haber etti ki, işğal etilgen Qirimniñ poligonda RF askerleri qişta oquşlar keçirmek içün çol lagerini yarattilar.
- NATO Malümatlarğa köre, Rusiye rus ordunıñ 75-100 bin askerini topladi. Bu 2014 senesi olğan vaqialarniñ, yani qirimniñ ve Donetsk ve Lugansk vilyaetlerniñ ayri rayonlarniñ işğali, tekrarinnen qorquzalar.
- Cuma kunü ayriliq ayniñ 10 Rusiye Federatsiyasi Azaq deñizde gemi areketniñ sinirlavi aqqinda tenbiler çiqardi. Netidjede Azaq deñiz akvatoriyaniñ 70% azat gemi areketi içün qapatilğan oldi.
- Içtimaiy ağlarda rus arbiy tekhnikaniñ işğal etilgen Qirimğa keçirüv videosi peyda oldi.
- Rusiye, şarqta Ukrainanen sıñırdaş olğan Cenübiy arbiy bölgesindeki atışlarnen tank arbiy oqutuvlarnı keçirdi.
- Rusiye işğal etilgen Qirimniñ ava boşluğini yañi AQM sistemalarnen qapatacaq.
Bizni Telegram’da oquñız
