Buni “Qirim birdemligi” haber etti.

“Oñi tintüvdenevel alip kettiler, ne erge - aytmadilar, tez vaqitinca qaytacq dep cevap berdiler. Ayttilar ki, “taqiqatçiğa” alip ketecekler. Vade ettiler, sorğudan soñ azat etecekler”, - toqtatilğan adamniñ omür arqadaşi Elmaz aytti. Tintüv devaminda onnen beraber ev içine uç çağina etmegen balalar bar edi: 11 yaşindaki Asiya, 9 yaşindaki Bilyal ve 1 yaşindaki Amal.

Tintüv Internacionalnaya soqağinla, 30 nomerali evinde keçirildiler.

Şimdiki vaqitinda uquq qorucilar ve advokat 33 yaşindaki qirimtatarniñ  bulunğan erini bilmege tirişalar. Aqrabalari qayd ettiler ki, işğal quvetçilerniñ areketleri Perevalne koünde gaz boruniñ arman ayinda patlavnen bağli ediler.

Şeerde Ametovnen beraber başqa faaller de yaşaylar. Olar tasdiqladilar ki, Ametov Qirim ve Rostov na donu mahkemelerini daimiy ziyaret ete edi, grajdan teşebbüslerge ve onlayn-fleşmoblarda iştiraq ete edi. Lâkin diversiyalarğa ya da başqa zarar ketirgen tedbirlerge munasibetini olar red eteler. 

“Soqaqta OMON kamazi ve hadimlernen mikroavtobusi tura edi, evniñ içine birisi, ayni Elmazniñ anasini qabul etmediler. Oñi ne erge alip kettiler, qismeti quvetçilerden bağli. Narimanğa uquq yardimini nasil  teminlemene tüşünemiz, - Arsen Yakubov aytti.

Ametovlar evinden episi telefonlarini, televizor ilâveni ve qoranni alip kettiler.

UPD: “Qirim birdemlilgi” haber etti ki, işğal politsiya Arsen Yakubovğa aytqanina köre,  Nariman Ametovni “FTH”  idaresine alip kettiler.

“Men politsiyağa telefon ettim, saat 12 olar kelip protokol ve malümatlarim ile tasvirini  tizdiler. “Politsiya” qarladi ki, oñi FTH”  idaresine alip kettiler, amma Aqmescitte ya da başqa şeerge mi kerçek cevap bermediler”, - Yakubov qayd etti.

Nariman Ametov.

Menba: “Qirim birdemligi”

Belli olğani

• Sali kunü, araliq ayniñ 14  Qirimniñ şarqinda, Kefe tarafinda Primorskoe koünde işğal quvetçiler 23-yaşindaki Kurtumer Çalgozov Qirimtatarini toqtattilar. Saat 05:15 oniñ evine tintüv keçirdiler, o uç saat devam etti. Soñ oñi azat ettiler.Adamni qirimtatar milliy Meclis baş muavinnin Nariman celyalov davasi ile sorğuğa çektiler

Bizni Telegram’da oquñız