Bu aqta UMH malümat agentligine Ukraina gidrometeorologik merkeziniñ müdiri Mıkola Külbida haber etti. 

O, qayd etti ki, Qırımda ukrain suvu yoqtır, amma oña ihtiyac “qocamandır”. 

“Qırımda ukrain suvu yoqtır, suv añbarları aman-aman boşlar. Qırımnıñ bir çoq bölgesinde olğan suv, ealiniñ ihtiyacları içün yeterlidir. Eñ fena vaziyet - bu Keriçten Yaltağa qadar. Şimdiki vaqıtta anda sahra desem, yañlaşmam”, - dedi o. 

Külbidanıñ bildirgenine köre, işğal etilgen Qırımda yağanaqlar vaziyeti pek fenadır. Qararğa nisbeten tahminen 40 faiz yağanaqlar qıtlığı bar. 

Malümat olaraq

• İşğalden evel Ukraina Şimal-Qırım beketi vastasınen adanıñ tatlı suvğa ihtiyacınıñ 85 faizini temin ete edi. İşğalden soñ ise yarımadağa suv teminatı toqtatıldı. 
• Ukraina prezidenti Volodımır Zelenskıy, Dnipro özeninden işğal etilgen Qırımğa kene suv berilip başlamasına qarşı çıqtı. Onıñ mevamını “Sluga narodu” fraktsiyasınıñ mebusı Bogdan Yaremenko öz Facebook saifesinde bildirdi. 
• İşğalden evel Ukraina Şimal-Qırım beketi vastasınen adanıñ tatlı suvğa ihtiyacınıñ 85 faizini temin ete edi. İşğalden soñ ise yarımadağa suv teminatı toqtatıldı. 
• Ukraina Milliy telükesizlik ve mudafaa şurasınıñ kâtibi Oleksiy Danilov, Rusiye tarafından qanunsız işğal etilgen Qırımda ealiniñ ihtiyaclarını temin etmek içün suv yeterlidir, dep bildirdi.
• İşğal etilgen Qırım başlıqlarınıñ ricası ile, RF Mudafaa nazirligi, Rusiye ordusınıñ bölükleri Aqmescitke suv berilüvi içün Taygan ve Aqmescit suv anbarlarını bağlaycaq  50 kilometrlik boru toşedi. 
• Eñ yaqın suv anbarlarınıñ yedeklerinden işğal etilgen Aqmescit içün suv 110 künge qalğan.
• Oraq ayınıñ 9-nda Herson şeer şurasnıñ sessiyasında millet vekilleri Ukraina prezidenti Volodımır Zelenskıy, Ukraina Yuqarı Radası ve Ukraina Baş naziri adına işğal etilgen Qırımğa suv berilüviniñ qabul etilmemezligi aqqındaki arizağa rey berdiler. 
• Qırımnıñ işğal başı Sergey Aksönov aqımdaki seneni, 150 yıl içinde yarımadanıñ eñ qurğaq yılı, dep adlandırdı. Yağanaqlar olmağanı sebebinden eñ kergin vaziyet Aqmescittedir. 
• Rusiyeniñ işğali altında olan Qırımdaki Qarasuvbazar suv anbarınıñ vaziyeti oraq ayında bayağı fenelaştı.