Felemenk Qırımnıñ işgalini tanımay ve Rusiyeni sıqıştırmağa devam ete
Ukrainadaki Felemenk elçisi Yogannes de Mol, Rusiye halqara uquqnı bozğance ve Minsk añlaşmalarını yerine ketirmegence Rusiye Federatsiyası sanktsiyalar yardımınen sıqıştırılacaq, dep inandırdı.
Bu aqta elçi Qırım MC Ukraina prezidentiniñ daimiy temsilcisi Anton Körineviç, onıñ birinci muavini Darya Sviridova ve muavini Tamila Taşeva ile körüşüv vaqtında bildirdi, dep haber ete Felemenk elçiligi öz Facebook saifesinde.
Körüşüv vaqtında diplomatlar Qırım tamır halqınıñ - qırımtatarlarnıñ vaziyetini, yarımadaki insan aqlarınıñ bozuluvlarını, sanktsiyalarnı, tanımama siyasetini, din serbestligini muzakere ettiler.
“Felemenk Qırımnıñ işğalini tanımay ve bunı halqara uquqnıñ bozuluvı kibi saya. Rusiye halqara uquqnı bozğance ve Minsk añlaşmalarını yerine ketirmegence biz Rusiye Federatsiyasını sanktsiyalar yardımınen sıqıştırmağa devam etecekmiz”, - dedi Felemenk elçisi.
Malümat olaraq
- Baltıq memleketleri ve ABD, Rusiyeniñ ukrain Qırımını işğal etmesini tanımama siyasetinine Velles Beyannamesi printsipleriniñ qullanılğanı aqqında bildirdi.
- LDPR Rusiye fırqası, işğal etilgen Qırımnı Rusiyeniñ parçası olaraq tanımağan fırqalarnı yasaq etmek içün bir esnas başlaycaq ola. Bu aqta salı künü LDPR lideri Vladimir Jirinovskiy bildirdi.
- Devlet Dumasınıñ spikeri Vâçeslav Volodin, Ukrainadan siyasetçilerni işğal etilgen Qırımnıñ keri qaytarılması çağıruvlarına köre cinayet mesülieti olacaq, dep bildirdi.