Bunıñ aqqında Ukraina devlet sıñır hızmeti, Facebook’ta bildire. 

Qayd etile ki, umumiy areketlerniñ uyğun planı, ilk qış aynıñ 10 Çerkasslarda imzalanğan edi. 

“Leyhanıñ amelge keçirilmesi, 2022 senesi qara qış ayından başlanacaq, yardımnıñ umumiy midarı ise - 20 mln. dollar miqdarında baqıla”, - denile beyanatta.

Tafsilâtlıca oquñız: G7 ülkeleri RF, Ukrainağa ücüm etse, oña “ciddiy masraflarnı” vade eteler - Bloomberg

Ukrainada AQŞ elçiliginiñ vekili Sara Langekampqayd etkeni kibi, bu leyha, Ukrainanıñ devlet sıñırınıñ imaye etüvi boyunca vazifelerniñ eda etilmesi vaqtında hızmet faaliyetiniñ semereliginiñ köterilmesi içün sıñırcılarğa tehnikiy yardım etilmesine ve peyda olğan Ukrainanıñ milliy telükesizligine havfına qarşı çıquvına yöneliş tuta.

Ayrıca, devlet sıñır hızmetine pilotsız aviatsıya sistemalar, mahsus naqliyat, video, bağ  közetüv vastalarnıñ temin etüv imkâniyetini köz ögünde tuta. 

Belli olğanı 

• Ukraina mudafaa naziri Öleksіy Reznіkov  Washingtonğa ziyareti devaminda Amerika Qoşulğan Ştatlarıni Ukranağa  evilsi berilmegen silâlarini tezce bermege rica etti.  
• Rusiye Federatsıyası, NATO’dan Ukrainanıñ kirmege vadesini red etmege talap ete. 2008 seneden Bükreşteki sammitiñ qararı aqqında söz kete. 
• Washington Post ve Bild neşirlernıñ malümatlarına köre, Rusiye 2022 senesi ucumlanmağa ola bile.Ondan ğayrı, "The Washington Post", istiharatnıñ malümatlarına esaslanıp, haber ettı ki  Rusiyenıñ Ukrainağa mümkün olğan  ucumına 175 biñ askeri iştirak etecek.

Bizni Telegram’da oquñız