Bunıñ aqqında Facebook’ta UDSH bildire.

“Devlet sıñır hızmetiniñ hadimleri, Ukrainanıñ vaqtınca işğal etilgen territoriyalarnı qanunsız tarzda ziyaret etken şahıslarnıñ mesüliyetke celp etilmesine dair tedbirlerni devam eteler. Böyle eki ecnebiyni, RF vatandaşları olğan erkek ve qadınnı paytahttaki ava limanlarnıñ birisinde “Kiyev” ayrı nezaret-keçüv noqtadaki sıñırcıları belli ettiler”, - denile beyanatta.

Böyleliknen, resmiyleştirüv ve kerek olğan nezaret tedbirlerniñ vaqtında sıñırcılar şunı tesbit ettiler ki, ecnebiyler, farqlı yıllar içinde yarımadada keçirilgen festivallerni ziyaret eterek vaqtınca işğal etilgen Qırım territoriyasına kiriş-çıqış intizamını bozğan ediler. 

“Qadın, türkülerniñ rusiye icracısı, erkek ise - yırcılarnıñ çıqışlarınıñ teşkil etilmesi ve temin etilmesinen bağlı olğanı tesbit etilgen edi”, - qayd ettiler idarede.

Tesbit etilgeni kibi, Ukrainağa icracılar, kontsertniñ keçirilmesine oğramağa planlaştıra ediler. Ukrain qanunlardaki qaidelerniñ bozuluvı sebebinden sıñırnıñ keçüvinde red etilgen edi ve üç yılğa kirmege yasaq etilgen edi.

Bizni Telegram’da oquñız