Bunıñ aqqında o, “1+1” telekanalınıñ yayısında, işğal etilgen territoriyalarnıñ statusına dair ukrainlernen keñeşmek isteymi aqqında jurnalistniñ sualine cevap bererek bildirdi. 

“Donbassqa dair referendumnı red etmeyim. Status meselesi degil. Ayatımızda rastkelebilgenidir. Referendumnıñ Donbassqa, Qırımğa dair olması mümkün”, - defi Zelenskiy.

Bunen beraber, Zelenskiy, böyle referendumğa çıqarılabilgen suallerniñ tarzına dair daa doğru malümatnı bermegen. Prezidentniñ sözlerine köre, vaziyetniñ peyda olğan vaqıtta o, referendumnıñ keçirlüv imkânına dair cemiyetnen aqıl tanışacaq.

Tafsilâtlıca oquñız: “Ukrainasız Ukrainağa dair iç bir qararnıñ olması mümkün degil. Ukraina ve AQŞ prezidentleri ne aqqında laf ete ediler 

Bundan da ğayrı, prezident, cenkniñ toqtatuvı aqqında referendumnıñ keçirilmesine de ihtimal bergen. 

“Bu referendum, umumen cenkniñ toqtatuvına dair ola bile. Bazı ülkeler belki de bizge şartlarnı teklif etecek. Öyle olabile. Bugün öyle bir şey yoq. Cemiyetten iç bir sırım yoq, böyle şeylernen şaqa yapmaz edim, çünki o, statusımızğa… territoriyalarımızğa ait olğan pek müim şeylerdir. Amma böyle zor bir çağıruv olsa, cemiyetimiznen aqıl tanışacağım”, - qayd etti devlet başı. 

Bizni Telegram’da oquñız