Bunıñ aqqında Qırım başı Sergey Aksönovnıñ yañartılğan emirinde söz kete.

“Kütleviy tedbirlerde iştirağına 18 yaştan büyük olğan şahıslarnıñ kirsetüvi, yañı koronavirus yuqunçına (COVİD-19) qarşı vaktsınatsıyasınıñ keçüvi aqqında sertifikatnıñ  ya da devlet ve belediye hızmetteki yekâne portalınıñ ilâvesiniñ qullanuvı ile alınğan QR-kodnıñ, keçirilgen hastalığı (COVİD-19) aqqında sertifikatnıñ  bar oluvı ile yapıla”, - denile vesiqanıñ metininde.

Bundan da ğayrı, ilk qış aynıñ 15’den itibaren 60 yaşından büyük olıp vaktsınatsıyasını keçmegen şahıslar içün öz tecrit etüvi ve cemaat naqliyatında imtiyazlı yürüvine sıñırlavları devam etileleler.

Belli olğanı

• İlk qış aynıñ 1 başlap Qırımnıñ işğal akimiyeti, kovidge qarşı sıñırlavlarnı zayıflaştırğan. Ayrıca, gece vaqtında hadimlerniñ 100% vaktsınatsıyalaştırğan cemaat aş hanelerine çalışmağa izin berdiler. Kinoteatrlar ve teatrlarğa zallarnı evelden olğanı kibi, tek 50% degil, 70% toldurmaq mümkün.
• İlk qış aynıñ 11 sabasına qadar, işğal etilgen Qırımda COVID-19-nıñ “resmiy şeklinde” 308 vaqianı resmiyleştirgenler. 
• Rus malümat agentligi işğalcilernıñ Qırım sakinlernıñkoronavirustan  aşıluvı aqqında malümatlarda uyğunsızlıqlar taptı. Kerçekten, aşılanğan insanlarnıñ faizi resmiy raqamlardan az ola.

Bizni Telegram’da oquñız