Bu aqta, o, Euroradio neşrine intervyü bergende bildirdi. 

Tihanovskaya, qadın olaraq cenkke qarşı olğanını ve Ukrainanıñ böyle çatışmağa celp etilmesinden qasevet etkenini bildirdi. 

“Uquq ceetten Qırım -Ukrainanıñ, aslında ise - Rusiyeniñ”, - dedi Tihanovskaya. 

Daa evel Tihanovskaya Meduza neşrine bergen intervyü vaqtında bu sualge cevap bermedi. 

“Qırım aqqında sual cemiyetni ekige bölgenini añlayım. Men yahşı tüşünilmegen sözlernen kimseni özümden suvutmaq istemez edim”, - dedi o. 

Malümat olaraq

• Svetlana Tihanovskaya - siyasiy mabüs ve bloger Sergey Tihanovskiyniñ ömür arqadaşı. Oraq ayınıñ 19-nda, balalarını Belarusten Avropa Birligine alıp ketkenini bildirgen edi. O, apis etilgen aqayı yerine saylav aldı kampaniyasında iştirak ete. 
• Tihanovskaya etrafında memleketniñ muhalefet küçleri birleşti. Namzetke qoltutıp, Belaruste biñlernen adam mitinglerge çıqtı. 
• Belaruste prezident saylavları arman ayınıñ 9-nda olacaq.