Bunı UTH matbuat hızmeti bildire.

“Rusiyenen gibrid cenki ve Qırım arhivlerniñ vaqtınca irişimsiz olğan şaraitlerde  yayınlandırılğan malümatlarnıñ büyük emiyeti bar. Ayrıca, Qırım yarımadasında kommunistik totalitar rejimi ile Moskvadan yapılğan mıqyaslı basqılar aqqında”, - denile beyanatta.

Onlayn tarzda baqılıp olğan vesiqalarnıñ arasında:

• 1920-1922 ve 1928-1934 ss. içün RFK-BDSİ ve 1920-1941 ss. içün Qırımdaki makeme organlarnıñ ölüm ükmülerniñ eda etilmesi aqqında aktlar;
• Rusiyeara fevqulâde komissiyasındaki Qırım kollegiyalar ve 1921-1933 ss. içün Aqmescit, Aqyar ve Kefe şeerlerinde Devlet siyasiy idaresindeki prezidiyasınıñ oturışlar protokolları;
• 1937 senesi içün Qırım ŞBMC UİİHK üçlüginiñ oturış protokollarnıñ qısmı.

Arhiv vesiqalarınen “Qırım vesiqaları” ayrı leyhasında Ukrderjarhiviniñ resmiy veb portalında tanışmaq mümkün.

“Qayd etilgen vesiqalar, basqılarğa oğrağanlar aqqında malümatlar ve olarğa qoşulğan fotoresimlerden ibaret olalar. Şimdi, Qırımda devlet telükesizligindeki şuralar organlarnıñ basqıcı faaliyetini belli etken 106 arhiv davasından ibaret olğan cedveli tesbit etilgen. Bu davalardan tek 30 soyu yayınlandırılğan”, - denile beyanatta.

Bizni Telegram’da oquñız