“Prezident, AQŞ Devlet kâtibinen muzakere etken. Kerçekten de, saat evel muzakere bitti. Putinnen Baydenniñ muzakeresi olğan soñ anda ne aqqında laf yürsetilgenini haberimiz olacaq.Yani ileride yuqarı ve eñ yuqarı seviyesinde alâqalarımız olacaq. Bu aqta AQŞ’nen işançlı, dinamik ve gizlenmeden müzakeremiz olğan edi”, - ilân etti tışqı işler naziri Dmitriy Kuleba ICTV’deki “Söz serbestligi” programmasında.

Tafsilâtlıca oquñız: Bayden ve Putin, yarın ukrain sıñırları yanında olğan vaziyetini muzakere etecekler. Kün tertibinde daa olacaq mevzular aqqında

Daa şunı qoştı ki, evelki planına köre, Zelenskiy, AQŞ devlet kâtibi Entoni Blinkennen laf etmek kerek edi, bu telefon etüvinden soñ ise - prezidentlerniñ müzakeresi olmaq kerek.

Tafsilâtlıca oquñız: Rus orduları sıñırda: qoquzma ya da ücüm telükesi

Evelden Zelenskiy, Blinkennen müzakeresi vaqtında taraflar bir fikirge kelgenini ilân etti. 

Belli olğanı

• Amerika Qoşma Ştatları Avropa Birligini Rusiye, Ukrainağa ücüm etmege planlaştırğanında inandırdılar. Bunı diplomatik işbirligi ve istihbaratçılarnıñ deñişüvi sayesinde yapıp oldılar.
• AQŞ devlet kâtibi Entoni Blinken ve Rusiye TİN başı Sergіy Lavrov Stokgolmda keçken tış işler nazirler Şuranıñ ATOT sammitinde  Ukraina sebebinden davalaştılar.
• Ukraina mudafaa naziri Öleksіy Reznіkov beyan etti ki, eger rus orduları Ukraina territoriyasına ucumlansalar,  bunıñ bütün Avropa içün yaramay neticeler olur ve global buhrannı yaratacaq.
• İlk qış aynıñ 4 The Washington Post neşiri AQŞ istihbarat malümatlarına bağlanıp beyan etti ki,  Rusiye Ukrainağa  2022 senesi ucumlanmağa ola bile. Malümatlarğa köre,  rus ordunıñ 175 bin askeri areket etecekler. Ayni zamanda  Bild  neşirnıñ menbaları qayd ettiler ki, ucum 3 qısımdan ibaret olmağa ola bile.

Bizni Telegram’da oquñız.