AQŞ Ukrainağa ücüm etmege RF planlarında Avropanı inandırdılar - KHV
Amerika Qoşma Ştatları Avropa Birligini Rusiye, Ukrainağa ücüm etmege planlaştırğanında inandırdılar. Bunı diplomatik işbirligi ve istihbaratçılarnıñ deñişüvi sayesinde yapıp oldılar.
Bunıñ aqqında Financial Times’niñ beyanatında denile.
“AQŞ avropalı ükümetlernen soñsuz diplomatik işdeşlikniñ ve istihbaratçılarnıñ yardımınen pekitilgen aftaları Berlinnen beraber şübeli olğan paytahtlarnı Kreml, Ukrainağa öz askeriy quvetlerni kirsetecek olğanında inandırıp oldılar”, - denile beyanatta.
Tafsilâtlıca oquñız: Rus orduları sıñırda: qoquzma ya da ücüm telükesi
Aynı bu, Avropanı “Kremlniñ tutulması içün ciddiy sanktsıyalar ile qorquzuv ğayesiniñ destegine” mecbur etkenini dep añlattılar. Neşriyat, daa şunı añlattı ki:
- AQŞ istihbaratınıñ esaplavlarınu NATO ve Avropa birliginiñ azalarına diplomatik kanalları ile alıp berdiler;
- resmiy şahıslarnıñ menbalardan biri, malümatlarnıñ ve tafsilâtlarnıñ miqdarına “keñ olğanına kibi” qıymet kesti. NATO boyunca başqa 29 ittifaqdaşınen paylaşılğan malümatlar aqqında söz kete;
- evelden istihbaratçılarnen deñişüv seviyesi, “işançını qazanğan” degen ücümlerine Rusiyeniñ azırlığı aqqında AQŞ arizalarnı baqmağa bazı avropalı ittifaqdaşlarınıñ istememsizliginen peyda ettirilgen ediler.
Tafsilâtlıca oquñız: “Biz Ukrainanen”. Börrel Rusiye ucumnıñ telükesi çerçevisinde AB fikirini bildirtti
Belli olğanı
- AQŞ devlet kâtibi Entoni Blinken ve Rusiye TİN başı Sergіy Lavrov Stokgolmda keçken tış işler nazirler Şuranıñ ATOT sammitinde Ukraina sebebinden davalaştılar.
- Ukraina mudafaa naziri Öleksіy Reznіkov beyan etti ki, eger rus orduları Ukraina territoriyasına ucumlansalar, bunıñ bütün Avropa içün yaramay neticeler olur ve global buhrannı yaratacaq.
- RF Ukrainağa qarşı arbiy tecavuznıñ yañı dalğası 2022 senenin başında başlanmağa ola bile.
- İlk qış aynıñ 4 The Washington Post neşiri AQŞ istihbarat malümatlarına bağlanıp beyan etti ki, Rusiye Ukrainağa 2022 senesi ucumlanmağa ola bile. Malümatlarğa köre, rus ordunıñ 175 bin askeri areket etecekler. Ayni zamanda Bild neşirnıñ menbaları qayd ettiler ki, ucum 3 qısımdan ibaret olmağa ola bile.
Bizni Telegramda oquñız