Bunıñ aqqında “Qırım birdemligi” Facebook’ta bildire.

Olarnıñ episi, qasım aynıñ 23-24 tutıp alınğan soñ 12 kün tevqifini keçirdiler. O künlerde şahsiy memuriy tevqifinden çıqqan advokat Edem Semedlâyevni 150 ziyade insan  qarşılamağa kelgen. 

Olarnıñ arasına “Qırım birdemliginiñ” eki jurnalisti - Alim Suleymanov ve Dlâver İbragimov ve grajdan birleşmesiniñ koordinatorı Server Çolaqçıq. 

Menba: "Qırım birdemligi"

Belli olğanı

• İşğal etilgen Cankoynıñ tevqıfhanesinden apislengen Simmar Ablâlimov ve Lenur Appazov azat etildiler. Kemal Nemetullayev ve Remzi Nimetulayev Aqmescitteki tevqıfhanesinden azat etildiler. Olar boş aynıñ 23-24 on künge toqtatılğan ediler. O zamanda memuriy apisten azat etilgen Edem Semedlâyev advokatını qarşılamaq içün 150 insandan ziyade toplaştılar.
• Qasım aynıñ 23 işğal etilgen Aqmescitte 31 şahısnı tutıp aldılar. Olar memuriy tevqifiniñ 12 künden soñ advokat Edem Semedlâyevni qarşılamağa keldiler. Ukraina jurnalistlerniñ milliy cemiyeti, rusiye akimiyetiniñ areketlerinen memnün olmağanını bildirdi. İşğal Rosgvardiyası, 32 insannıñ tutıp aluvını keçirdi, olarnıñ arasında 10 qadın ve “Qırım birdemliginiñ” beş jurnalisti - Enver Alimov, Alim Süleymanov, Vilen Temeryanov, Simmar Ablâlimov ve Dilâver İbragimov buluna ediler. 
• İşğal polisniñ hadimleri, “Qırım birdemliginiñ” koordinatorı Dilâver Memetovnı, Aqmescitteki Qırım arbiy garnizon makemesi yanında tutıp aldılar.
• “Birlik, cöremelerden daa qıymetli” teşebbüsi, işğal etilgen Qırımda Bağçasaray rayonınıñ Zalanköy köyünde başlanğan.
• Ukraina jurnalistlerniñ milliy cemiyeti, rusiye akimiyetiniñ areketlerinen memnün olmağanını bildirdi. 
• Qasım aynıñ 11 Aqmescitteki Merkeziy işğal rayon makemesi, advokat Edem Semedlâyevni 12 künge tevqif etken ve 4 biñ rublege (1 481 grn) cöreme ödetti. Çünki o, “E” “bölük reberi” Ruslan Şambazovnıñ ses qayd etmesini toqtatmağa ve ekstremist tatunıñ bar olmasını tasdıq etmek içün soyunmağa talabını red etken. Qasım aynıñ 23 onıñ tevqif müddeti, soñuna yetken. 
• QMC Prokuraturası, işğal etilgen Qırımda advokat Edem Semedlâyevniñ serbest etüvine qol tutqan qırımtatarlarnıñ qanunsı tutıp alıvlarnıñ aqiqatı boyunca cinaiy davasını başladı.
• Büyük Britaniya, Qırımda qırımtatarlarnıñ kütleviy tutıp aluvlarını mahküm etti. 
• Avropa Şurasında Rusiyenen vaqtınca işğal etilgen Qırımda qırımtatarlarnıñ taqip etüvlerni toqtatmağa çağıralar.

Bizni Telegram’da oquñız