RF ordularnıñ Ukrainağa ucumı bütün Avropanı buhranğa çekecek - Reznikov
Ukraina mudafaa naziri Öleksіy Reznіkov beyan etti ki, eger rus orduları Ukraina territoriyasına ucumlansalar, bunıñ bütün Avropa içün yaramay neticeler olur ve global buhrannı yaratacaq.
Reznikovnıñ uyğun beyanatını "UkraineAlert" derc ettiler.
“İlk kerçek meseledir, Aropa tam olaraq añlay mı, rus ordularnıñ Ukraina territoriyasına ucumı qalğan qıta içün nasıl neticeleri olacaqlar. Ukraina territoriyasında olğan cenk bütün Avropanı buhranğa oğratacaq. Üç milliondan beş millionğace ukrain qaçaqlarnıñ apansız peyda oluvı - mümkün olğan problemalarnıñ biridir”, - Reznikov ayttı.
Daa oquñız: Reznikov Rusiye tarafından eskalatsiya ihtimal vaqıtını bildirtti
Aytqanına köre, Avropa iqtisadı aşayat maddelernıñ italdan bağlı, cenk ise Ukrainadan ve Rusiyeden çoq maddelernıñ italinı toqtatacaq. Bu qıta içün ciddiy aşayat problemalarını yaratacaq.
Ukraina mudafaa naziri daa qayd etti ki, RF ucumı halqara nizamnıñ tam bozuvı olacaq ve global raatsızlıq devirini başlaycaq. Bu Avropa territoriyasında çoq vaqıt devamında olğan tınçlığını bozacaqtır.
Malümat olaraq
- Washington Post ve Bild imkânı olğan Rusiyenıñ Ukrainağa ucumnıñ haritasını derc ettiler. Bu neşirlernıñ malümatlarına köre, Rusiye 2022 senesi ucumlanmağa ola bile.
- AQŞ Generalı Milli Rusiyenıñ açiq tecavuzını Ştatlar ve NATO devlet-azaları içün telükenen sayya.
- Lehistan premyer-naziri Lukaşenko ve Pütinnıñ Avropanı raatsızlamağa yntılmalarını azlaştırmağa çağırttı.
Bizni Telegramda oquñız
