Putin Zelenskıy ile merkeziyleştirüv meselesini muzakere etti

Глянько Катерина
·
12:50, 27 Oraqay
Putin Zelenskıy ile merkeziyleştirüv meselesini muzakere etti
Foto menbası: Газета.Ру

RF prezidenti Vladimir Putin ve Ukraina prezidenti Volodımır Zelenskıy oraq ayınıñ 26-nda telefonnen laf etti. Bu laqırdı vaqtında Ukraina Anayasasına deñişmeler kirsetilüvini közde tutqan merkeziyleştirüv qanunını muzakere ettiler. 

Bu aqta Prezident ofisi haber etti. 

“Taraflar Donetsk ve Lugansk vilâyetleriniñ ayrı bölgelerinde yerli özidare sistemasınıñ hususiy nizamı aqqında qanunnı ve Ukraina Anayasasına deñişmeler kirsetilüvini közde tutqan merkeziyleştirüv qanunını muzakere ettiler”, - yazıla bildirmede. 

Malümat olaraq

  • Üç taraflı kontak gruppasınıñ oturışında (Ukraina, Rusiye, OSCE) taraflar, Donbass topraqlarında halqara silâlı çatışma bütünley çezilgence, ateşni toqtatmağa añlaştılar. 
  • Prezident ofisinde, tam ateşni toqtatuv rejimine riayet etüv, Minsk añlaşmalarınıñ kerçekleştirilmesine ve bu añlaşmalarnıñ diger maddeleriniñ yerine ketirilmesine yol açıp ola, dep sayalar. 
  • Prezident ofisi bildirgenine köre, Volodımır Zelenskıy Vladimir Putin ile telefonnen laf etkende, üç yaşında oğlu Musanıñ facialı ölümi içün Rusiye Federatsiyası tarafından tutulğan qırımtatar Ruslan Suleymanovnıñ azat etilüv sualini kötergen.
  • Laqırdı vaqtında 2019 senesi aralıq ayınıñ 9-nda Pariste olıp keçken “Normandiya dördü” sammitinde  kelişilgen añlaşmalarnıñ yerine ketirilmesi muzakere etildi. 
  • Rusiye ORDLO hususiy statusı olmasını talap ete. Amma, Minsk esnasında tek Ukraina Anayasasına deñişmeler kirsetilüvini közde tutqan merkeziyleştirüv qanunını muzakere ettile bile. 
  • Kremlniñ saytında, Ukrainadaki yerli saylavlar “Donbassta tınçlıqnı telükege atalar”, dep bildirdiler. 
  • Yuqarı Rada nevbetteki yerli saylavlarnı ekin ayınıñ 25-ne tayin etti. Vilâyet, Kıyiv şeeri, şeer meclisleri mebusları ve Kıyiv şeer başı saylanılacaq. Qarağa köre, vaqtınca işğal etilgen Qırım MC, Aqyar şeerinde ve Donetsk ve Lugansk vilâyetleriniñ bazı rayonları, şeerleri ve köylerinde yerli saylavlar olmaycaq.