Bunı “Qırım birdemligi” grajdan teşkilâtı Facebook saifesinde haber etti.

Başından “Qırım birdemliknıñ” grajdan jurnalistnı Simmar Ablâlimovnı ve faalnı Lenur Appazov Aqmescitteki Franko bulvarında yerleşken tevqıfhanesinde yerleştirdiler, lâkin soñ Cankoydaki tevqıfhanesine keçirdiler.

Grajdan teşkilâtı haber etti ki, Appazov Bağçasaray rayonğa keldi, anda oñı ve daa eki dane qırımtatarını vatandaşları qarşılaylar.

Saat 19:30  Kemal Nemetullayev ve Remzi Nimetulayev qırımtatar faallerini azat ettiler. Olar de boş aynıñ 23 Edem Semedlâyev advokatını qarşılamaq içün keldiler ve anda toqtatılğan ediler.

Menba: "Qırım birdemligi"

Malümat olaraq

• Boş aynıñ 23   Aqmescitteki tevqıfhanesinden azat etilgen Edem Semedlâyev advokatını qarşılamaq içün 150 insandan ziyade toplaştılar. İşğal Rosgvardiya avtobusını o yerge ketirip, 32 insannı toqtattı. Olar arasında 10 dane qadın ve “Qırım birdemliknıñ” 5 jurnalisti - Enver Alіmov, Alіm Suleymanov, Vіlen Temeryanov, Sіmmar Ablâlіmov ta Dlâver Іbragіmov ediler.
• İşğal polisniñ hadimleri, “Qırım birdemliginiñ” koordinatorı Dilâver Memetovnı, Aqmescitteki Qırım arbiy garnizon makemesi yanında tutıp aldılar. Ukraina TİN buna cevap berdi.

• İşğal etilgen Qırımda qırımtatarlarnıñ cöremelerniñ ödetüv marafonı başlanğan.

• Ukraina milliy jurnalistler birligi rus ükümetnıñ areketleri sebebinden narazlıq bildirtti.
• Aqmescitteki Merkeziy işğal rayon makemesi, advokat Edem Semedlâyevni 12 künge tevqif etken. Ondan ğayrı  oñı “E” merkeznıñ “bolük başnıñ” Ruslan Şambazovnıñ audioyazuvını toqtatmağa ve urbalarını çıqarıp ekstremist timsallarnıñ olmağanı köstertmege talapına yasağı sebebindeg 4 bin rubl (1 481 grn) köremeni ödemege mecburlandı.Boş aynıñ 23 Edem Semedlâyev tevqıfhaneden azat etildi.
• QMC prokuraturası işğal etilgen Qırımda Edem Semedlâyevnıñ azat etüvine imdat bildirtken qırımtatarlarnıñ kütleviy qanunsız toqtatuvlar sebebinden cinayet davanı açtı.
• Britaniya, işğal etilgen Aqmescitte tevqif etilgen advokat Edem Semedlâyevge qol tutmaq içün 30’dan ziyade kelgen qırımtatarnıñ tutıp aluvlarnı mahküm etti. 
• Avropa Şurasında Rusiyenen vaqtınca işğal etilgen Qırımda qırımtatarlarnıñ taqip etüvlerni toqtatmağa çağıralar.