Bunı ilk qış aynıñ 3 advokat Mıkola Polozov şahsiy Facebook haber etti.

“Mudafaa tarafı “birinci instantsiya mahkemenen” yapılğan qanun bozuvlarını qayd etti, oña köre şikâyet etilgen qararını red etmege mecbur ediler. Nariman “mahkemege” taqıp etüvnıñ siyasiy sebeplerini hatırlattı. “Baş mahkemecisı” Karavayev K.M, tevsiye odasına kirip, beş daqqa devamında bulundı ve er şeynı denişmesiz qaldırdı. Demek, Nariman yanvarnıñ 23 qorucılq astında qalacaq”, - Polozov yazdı.

Advokat qoştı ki, mudafaa tarafı “mahkeme” ükümini kasatsiya mahkemesinde şikâyet etecek ve kelicekte Avropalı insan aqlar mahkemesine hatip etecek.

Daa oquñız: “Eñ yahşı” şuralar adetlerinde cezalav ameliyatı - TİN, Celâlovnıñ ruhiyat hastahanesine mecburiy yollanuvı aqqında

“Mahkeme oturuştan evel bizim (Nariman Celâlovnen - red.) azçiq qonuşmağa imkânımız oldı. O maña haber etti ki, “nezaret etken prokurornıñ” ziyaretinden soñ kamerada ısıtuvını tıqtılar. Kameradaşına - Yegova şaatlar davanıñ iştiraqçisına - Bibliyanı ketirdiler. Lâkin bir künden soñ ısıtuvını kene de soñdurdıler. Aqmescit tevqıfhanenıñ Potömkin köyleri”, - Polozov ayttı.

Ondan ğayrı, Celâlovnı ve kameradaşını başqa kamerağa köçürdiler. Anda de ısıtuv yoq, lâkin penceresi qapala.

“Anda öyle de suvuq edi, ısıtuvını tıqqanda akkumulâtorı aqtı, şimdiki vaqıtında kamerada suvuq ve dımlıdır”, - qorucı ayttı.

Daa Polozov ayttı ki, Celâlovğa Ukrainadan ve tıştan mektüpler kelmeyler. Evelsi faaot oña ve bu davanıñ daa eki dane iştiraqçilarına - Aziz ve Asan Ahtemovlarğa mektüplerini yazmağa çağırta edi.

Malümat olaraq

• Ekim aynıñ 8 Meclis baş muavini Nariman Celâlovğa yañı qabaatlavlarnı qoydılar. Bu sefer patlayıcı tertibatnıñ elastında.Qayd etilgeni kibi, Celâlovnı teşkil etilgen gruppasınen yapılğan patlayıcı tertibatnıñ sıñırdan qanunsız keçirilmesinde qabaatladılar eken. 
• İlk küz aynıñ 3 ve 4 Aqmescitte ve Kezlevde beş qırımtatarını Perevalnoye köyündeki gaz borusınıñ patlavında şübesi boyunca tevqif ettiler (iş adamı Eldar Odamanov, ağa-qardaş Aziz ve Asan Ahtemov, Şevket Üseinov ve qırımtatar halqnıñ Meclis başı Nariman Celâlnı).
• İlk küz aynıñ 6 işğal “makemesi”, tutıp alınğan qırımtatarlatnı tevqif etken.  
• İlk küz aynıñ 22 Nariman Celâlovnıñ qabaatlavını teşkil etilgen gruppası terkininde diversiyasına deñiştirip quvetleştirdiler. O ise - 12’den 20 yılğa qadar azatlıqtan marum etüvini közde tuta. Bundan da ğayrı, onı teşkil etilgen gruppasınıñ terkibinde patlayıcı malzemelerniñ qanunsız satın aluvında, alıp berüvinde ve saqlanuvında qabaatladılar.
• Ekim aynıñ 6 işğal etilgen Qırımda qırımtatar milliy Meclisnıñ baş muavinini Nariman Celâlovnı bir nomeralı  N.І. Balaban adlı “Qırım cumhuriyetnıñ psihiatrik hastahanenıñ”15 bölügine mecburiy ekspertizağa yolladılar.
• Qasım aynıñ 1 imaye tarafı, Celâlovnıñ davasında “makemeniñ” keçirilmesine şikâyet etken. 
• Aqmescitte tevqif etilgen qırımtatar faali ve siyasetçi Nariman Celâl, advokat Nikolay Polozovğa hastahanesindeki şaraitler aqqında tarif etti.