Bunı ilk qış aynıñ 3 Ukraina mudafaa naziri Öleksiy Reznikov Yuqarı Şurada beyan etti.

“Bizim istihbaratımız er bir mümkün olğan stsenariynı talil ete, yaramay soylarını de, o qayd ete ki, Rusiye tarafından qavğa eskalatsiyanıñ telükesi bar. İfadelemege isteyim ki, eskalatsiya telükesi bar, bizim vazifemiz ise bu telükenı yoq etmek”, - ayttı.

Reznikov qoştı ki, Rusiye Ukrainadaki vaziyetini bozmağa tırışa.

“Duşmañımız endi bir qaç arbiy olmağan tedbirderlerini keçirdi: malümat, energetik, iqtisadiy. Oñıñ maqsadı - devletmıznıñ içindeki vaziyetini bozmağa ve mudafaamıznı zaifleştirmege”, - Mudafaa nazirliknin başı ayttı.

Daa o qayd etti ki, Ukraina territoriyasında mudafaağa muhtaç bir bin kilometr sınırı qoşuldı. 

“Belorusiyenıñ de-fakto anşlüsı sebebeinden mudafaağa muhtaç bir bin kilometr qoşulğan. Oñı mıtlaqa qışta qorçalamaq kerek”, - nazir beyan etti.

Malümat olaraq

• AQŞ Generalı Milli Rusiyenıñ açiq tecavuzını Ştatlar ve NATO devlet-azaları içün telükenen sayya.
• Kelecek eki ay devamında rus askerleri Belorusiye ve Ukraina sınırına oquşlarini keçirecekler. İdmanlar eki devirde keçirecekler.
• Boş aynıñ 30 Öleksandr Lukaşenko beyan etti ki, 2014 senesi keçirilgen “referendumdan” soñ  Qırım de-fakto ve de-yüre rus territoriyası olğan.  Daa o RF prezidenti Volodimir  Pütinnen beraber Qırımnı ziyaret etmege istegi aqqında beyan etti.
• Lehistan premyer-naziri Lukaşenko ve Pütinnıñ Avropanı raatsızlamağa yntılmalarını azlaştırmağa çağırttı.