AQŞ Generalı Milli Rusiyenıñ açiq tecavuzını Ştatlar ve NATO devlet-azaları içün telükenen sayya
Amerika Qoşulğan Ştatlarnıñ ordu Generalı Mark Milli beyan etti ki, Ukraina sınırlarnıñ yanında qayd etilgen arbiy faaliyeti ve Kremlnın\ tecavuziy siyaseti raatsızlığını celp ete. Aytqanına köre,eger Rusiye Ukrainağa ucumlansa, bu Ştatlarğa ve NATO devlet-azaları içün de havflı olup, bu sebepten olar bu mevzunı faal şekilde muzakere eteler.
Bunı ilk qış aynıñ 3 Reuters haber etti.
Mark Milli Ukraina sınırlarnıñ yanında olğan rus ordularnıñ sayısını açıqtan seslendirmedi, lâkin ayttı ki, onıñ fikiri ile askerlernıñ sayısı resmiy malümatlardan çoq ola.
“Men istibaratımıznen qayd etilgen malümatlarını aydınlatmacam, lâkin biz vaziyetini diqqatnen nezaret etemiz. Bizde çoq malümatlar bar, bu sebepten biz raatsızlanamız”, - AQŞ ordu generalı ayttı.
Şu zamanda o hatırlattı ki, tecavuziy siyasetine baqmayıp, Rusiye ucumnıñ azırluvını red ete. Olar aytalar ki, öz devletnıñ territoriyasında istegen yerde öz ordularını yerleştirmege aqları bar.
“Bu Amerika Qoşulğan Ştatlarnıñ ve NATO devlet azalarnıñ telükesizligine bağlı sualdır. Rusiye tarafından 1991 mustaqıl olğan devletke açıq ucum etilse, onıñ neticeleri de bar”, - Milli ayttı.
Daa o qoştı ki, Ukraina suvereniteti Vaşington ve NATO alyansı içün pek müimdir.
Malümat olaraq
- Ukraina TİN Dmitro Küleba başqa tış işler nazirlernen ve NATO devletlerinnen Rusiyenıñ tecavuzını toqtatuv adimlerini muzakere ettiler.
- Pentagonnıñ başı Lloyd Östin Cenübiy Koreyağa ziyareti devamında beyan etti ki, AQŞ halqara cemiyetnen beraber Rusiyenıñ Ukrainağa qarşı arbiy ve siyasiy areketlerine qarşılıq etecek.
- AQŞ devlet kâtibi Entoni Blinken Rusiyenı “şarqıy tarafında” areketerinnen qorquzdı.
- RF Ukrainağa ucum etse, AQŞ Senatında sanktsiyalarını teklif ettiler
- Vaşingtonda Ukraina memuriy sınırında rus askerlernıñ faaliyetini nezaret ete. AQŞ eminler, Rusiye Federatsiyanıñ ukrain sınırlarnıñ yaqında faaletı miqyas ola.
- Pentagonnıñ başı Lloyd Östin beyan etti ki, AQŞ ukrain sınırları yanında olğan Rusiyenıñ areketlerini nezaret eteler. O Rusiyeni Minsk añlaşmalar ile areket etmege çağırttı.
