Bunı “Qırım uquq qoruci taqımnıñ” talilçisı Öleksandr Sedov İntegratsiya nazirliknıñ Ekspert şurasınıñ tevsiyeler taqdim etüvine beyan etti. 

“Donbasta mülkuyetnıñ yoq etüvi top atuvınnen yapılsa, Qırımda bu bir işğal memuriyetinnen çıqarılğan qarar ile yapıla. Misal olaraq, bir afta evelsi işğal etilgen Qırımda buldozernen evini yoq ettiler. O de top kibi öz işini yapa”, - ekspert ayttı. 

Sedov fikir ete ki, işğal etilgen Qırımda RF yapılğan cinayetlerini taqdim etmek içün isbatlar bazasını azırlamağa kerek.

“Qırımdaki işnıñ hususiyetleri - insan aqlarnıñ bozuvlarını, arbiy cinayetlerını tasdıqlağan vesiqalarnıñ tapması. Bazıları açıq irişimde bar, başqaları ise - qapalı irişimde. Bu işğal etilgen territoriyada olğan şaatlarnıñ, fedalarnıñ sorğuları, bozuvlarnıñ audio-video qayd etüvidır. Lâkin, birinciden bu vesiqalar - binler, onlar binler vesiqalar. Olarnı saqlamaq kerek, çünki soñ olar Rusiyenen işğal etilgen territoriyada yapılğan  insan aqlar bozuvnıñ ve arbiy cinayetlernıñ isbatlarınnen olacaqlar. Olarnı saqlamaq içün malümatlar bazası kerek”, - uquq qoruci ayttı.  

“İnsan aqlar suallerden Ukrain-Helsinki şuranıñ” vesiqalaştıruv Merkeznıñ reberi Öleksiy Bida qayd etti ki, malümatlar bazası - bu malümatlarnıñ qayd etüvi, malümatlar doğrulamağan olsalar de, olarını episi bir uyğun bazağa qoşmağa kerek.

“Menbalar çeşit türlü ola bileler: bu tecavuziy devletnıñ haber etüvleri, vesiqalar, mahkeme qararlarü Bu içtimaiy ağlarda peyda olğan haberler. Bu territoriyağa ya da sınırğa ziyaretler vaqıtnda toplanğan malümatlar. Bu malümatlarını yıfaq qısımlardan yığıp, umumiy isbat bazasını yaratmağa mümkün”, - Öleksiy Bida ayttı.