Ukrain vekilâyeti Brükselde avropalı ortaqları ile işğal etilgen Qırımnı muzakere etti
Ukrain vekilâyeti Brükselde (Belçika) Qırım MC ve Aqyar şeyernıñ vaqıtace işğal etüvnıñ neticelerine bağışlanğan Ukraina-AB resmiy olmağan mesleatlar devamında avropalı ortaqları ile Qırımnıñ işğali aqqında çeşit suallerini muzakere etti.
Bunı Ukraina tış işler nazirnin birinci muavini Emine Ceppar şahsiy Facebook saifesinde haber etti.
Demek, ukrain vekilâyeti AB diplomatlarınnen doquzınci raundta Qırımda ve yarımadan tış telükesizlik vaziyetnıñ kerginleşmesini, avropalı qabul etmemezlik siyasetini, AB Qırım ile sanktsiya siyasetini, Qırım platformanıñ inkişafını ve yarımadanı azat etmek içün Ukrainanıñ ğayretlerini muzakere ettiler. Ondan ğayrı, 2022 senenin başında nasip etilgen Qаradeñız telükesizlik konferentsi de muzakere etildi. Malümatlarğa köre, bu nazirler derecede halqara tedbir olacaq.
Daa RF tarafından halqara gumanitar uquq bozuvları aqqında ayttılar ve yaramada sakinlernıñ insan aqlar qorçaluv suallerini köterdiler.
“Ayrıca AB “Qırım platforma” inauguratsiya sammitine iştiraq etüvleri sebebinden teşekür bildirttim. AB tarafından Avropa Şuranıñ prezidenti Şarl Mişel ve Avrokomissiyanıñ icra etken vitse-prezidenti Valdis Dombrovskis iştiraq ettiler”, - nazirnin birinci muavini yazdı.
Menba: facebook.com/edzhaparova
Daa o qayd etti ki, böyle mesleatlar 2014 seneden er yıl keçireleler.Anda Ukraina yuqarı nazirliklernıñ ve idarelernıñ, Avropalı tış faaliyet hızmetnıñ ve Avropalı komissiyanıñ vekilleri iştiraq eteler.
“Bu Ukraina-AB esas muzakere meydanlarnıñ biri. Oñıñ esas vazifesi - Qırımnıñ vaqıtace işğali sebebinden peyda olğan acele meselelernıñ çizüvi ve AB tarafınnen oña bağışlanğan tedbirlernıñ muzakere etüvi”, - TİN nazirnin birinci muavini yazdı.
Ceppar añlattı ki, böyle mesleatlar yarımadanıñ qanunsız işğal etüvini qabul etmemezlik siyasetini yerine ketirmege yardım eteler ve RF tarafından Ukraina territorial bütünliknıñ bozuvına qarşılığına bağışlanğan halqara ğayretlerini ve koordinatsiyasını quvetleştireler.
Menba: facebook.com/edzhaparova
Emine Ceppardan ğayrı ukrain vekilâyetnıñ azaları arasında Ukraina prezidentnıñ Qırım MJ daimiy vekili Anton Korıneviç edi. Öz Facebook saifesinde o haber etti ki, RF tarafından halqara gumanitar uquq bozuvları aqqında ayttılar ve yaramada sakinlernıñ insan aqlar qorçaluv sualleri muzakere etilgen ediler. Misal olaraq, ealenıñ ukrain ve qırımtatar tillerde ögrenüv aqnıñ bozuvı, maarif-terbiye ceryannıñ askerleşüvi, RF Silâlı Quvetlerine mecburiy celp etüv, eale terkibnıñ zorbalıqnen denişme mevzuları köterilgen ediler. Daa Qırımnıñ tabiy-qoruq fondnıñ obyektlernıñ yoq etüv bozuvı, ikânı olğan Herson vilâyetinde infrastruktura leyhaları muzakere etildiler.
“İfadeledim ki, 2021 Qırımnıñ deokkupatsiyasına ve reintegratsiyasına bağışlanğan içki uquq işi ile bütün vaqıtace işğal etüv devamında eñ faydalı olğan”, - qoştı.
Taras Şevçenko. Menba: facebook.com/shevchenko.taras
Daa tedbirde Ukraina medeniyet ve malümat siyasetnıñ nazirnin muavini Taras Şevçenko iştiraq etti. O işğal etilgen Qırımda olğan qalp malümatlar siyaseti, gibriy tecavuzı ve yarımadadaki medeniy mirasnıñ saqlavı aqqında malümat bergen edi.
Ondan ğayrı Ukraina vekilâyetnıñ azaları arasında: Ukraina mudafaa Nazirliknin vekili Viktoriya Küşnir, tış işler Nazirliknin siyasiy müdiri Öleksiy Makeyev, avropalı integratsiya suallerden Nazirnin muavini Valeriya Kolomiyets, Qırım MC prokurornıñ muavini Vitaliy Sekretar, Ukraina deñız ve özen naqliyat Devlet hızmetnıñ baş muavini Anatoliy İvankeviç, İntegratsiya nazirliknin baş muavini İnna Golovançuk, Felemenkte Ukraina yelçisı Vsevolod Çentsov, etnosiyaset ve vicdan azatlıq Devlet hızmetnıñ başı, ukrain içtimaiçisı Ölena Bogdan ve AB Ukraina Vekilâtnıñ mesleatçisı Andriy Nacos ediler.
Vіktorіâ Kuşnіr. Menba: facebook.com/vika.cuschnir