Bunı o Ukraina içki ve tış vaziyeti aqqında er yıllıq beyanatı devamında haber etti.

“Biz çetel yardımsız ve imdatsız mustaqıl devletını quracamız. Men er bir devletke teşekür bildirtmege isteyim. Lâkin biz yardımını aslında beklemeymiz. Biz tek öz quvetlermizge uumüt etemiz. Aylarnen beklemeyıp, biz onlar devletlerini davet etip, Qırım platformasını yaratamız. Birinci sammitinde 46 vekilâyet iştiraq etti”, - Zelenskiy ayttı.

Aytqanına köre, sammite “G7” devletlernıñ liderleri, AB, Turkiye, NATO rebeligi, ATOT, Avropa Şurası iştiraq ettiler.

“2014 seneden Qırımnıñ işğali birinci kere böyle yuqarı derecede muzakere etildi. Biz Qırım mevzusını kün mevzusına qaytardıq. Qırım Platforması BHT General Assambleyanıñ rezolütsiyasına qayd etilecek”, - prezident ayttı.

Malümat olaraq

• Qırım platformanıñ aza-devletleri Qırımnıñ deokkupatsiyasına bağaşlanğan umumiy beyannamenı imzaladılar. 46 ülkenıñ vekilleri sammite iştiraq ettiler.
• Büyük Britaniya, ABŞ, İşvetsiya,İsviçriya “Kuçlü Ukraina içün ortaqlıq” fondnı Ukrainada RF tesirine qarşılıq etmek içün yaratalar.
• Kiyevde prezidentnıñ Qırımdaki vekilâyet bazasıyea Qırım platformanıñ ofisini açtılar. O bu teşebbüske konsalting, ekspert ve malümat yardımını etecek.
• Prezident Volodimir Zelenskiy beyan etti ki, “Qırım platfoma” ofisleri Ukrainadan ğayrı başqa ülkelerde de areket etecekler.