Suspilne Qırım haber etti. 

Mukâfatını Saliyevağa sabiq siyasiy mabusı İgor Kozlovskiy berdi. Oñı “DMC” işğal taqımnıñ quvetçileri eki yıl devamında apiste tutıp azalağan ediler.

Namzetler arasında Ukraina boyu ğonuller, tışta yaşağan ukrain diasporanıñ vekilleri, Ukrainadaki ğonulli vazifelerde çalışqan çetel adamlar iştiraq etken ediler. Saaları de çeşit türlü: bazıları askerlerge ve cenkten zarar körgenlerge yardım eteler, başqaları ekologik, medeniy ve maarif leyhalarını alıp baralar.

Premiya öz leyhanı taqdim etmege imkân bere ve ğonulli areketeine diqqatını celp ete.

Daa oquñız: Mümine Saliyeva: “Halqımız 1944 senesi körgen sürgünliknin yañı gibrid şekilleri. Qırımtatar halqnıñ qarşılıq ve mudafaa vaqıtı keldi”

Musafirler arasında yırcı Ruslana, aktör ve rejiser Ahtem Seytablayev, yırcı Anjelіka Rudnitska, rejiser Öleg Sentsov ediler.

Jüri azalar arasında:  “Antitіla” çalğı taqımnıñ yırcısı Taras Topolâ, "Small Heart with Art " grajdan teşkilâtnnıñ "Superqaramanlar mektepnıñ" temelcisı Yevgenіâ Smіrnova,alim ve dinşinas Іgor Kozlovskiy,  "Plast"  Ukraina Milliy skaut teşkilâtnıñ reberi Stanіslav Andrіyçuk, Ukraina maarif ve ilim Nazirliknıñ yaş alimler şurasnıñ başı Ölesâ Vaşçuk ediler.

UPD: 

“Menimce eñ müim - halqıma ve aslında yardımğa muhtaç olğan insanlarğa fayda ketirmege. Menim eñ esas maqsadım - öz faaliyetim ile siyasiy mabuslernıñ balalarnıñ balalıqlarını aydınlatmaq, qorantalarına yardım etmek ve Qırımda toqtamağan repressiyalar devirinde vatandaşlarım içün yardımci olmaq. Bu eñ müimdir.”, - Mumіne Salіeva Suspіlnk Qırımğa ayttı.

Mukâfatlandıruv merasimnıñ teşkilâtçisı Darya Bıçkova qayd etti ki, bu yıl arizalarnıñ saysı eki yüz seksenden çoq olğan. Olar arasında jüri azaları yedi dane ğalebecilerini saylap aldılar.

“Eñ müim kriteriy - faaliyetnıñ  bedava olğanı. Namzetler iç bir siyasiy firqalarda başlıq etmeyler. Bu ya da kündelik ğonulli faaliyet ya da ğonulli areket olmaq mecbur.”, - ayttı.

“Men ğonulli olğan insanlarını körgen edim. Birisi peşman etmedi. Birisi şikâyet etip, coyulğan vaqıtına yazıqlanmadı. Böyle insanlar teşekür beklemeyler. Olar añlaylar, yapılğan yahşılıq episi bir qaytarılacaq.”, - davet etilgen musafir, ukrain yırcısıRuslana (Ruslana Lijiçko) ayttı.

Jüri azası, “Antitila” çalğı taqımnıñ frontmeni Taras Topolâ ayttı ki, ğalebecilerin saylamağa pek qıyın edi.

“Kerçekten, bu mukâfatqa iştiraq etkenler endi ğalebe qazandılar. Olardan ğayrı daa çoq insanlar öz faaliyetini köstertmeyp, başqalarına yardım eteler”, - qoştı

Menba: Suspilne Qırım

Malümat olaraq 

• Ğonulli premiyası 2014 senesi çeşit saalarda çalışqan ğonullerine imdat bildirtmek maqsadınnen teşkil etilnen edi. O Ukrainadaki ğonulli areketine qol tuta, cemiyetke oñıñ müimligini taqdim ete Bu sebepten episi iştiraqçilarğa berile, jüri azaları ise laureatlarını saylap ala.
• 9-ci mart künü Ukraina Tış işler nazirligi işğal olğan Qırımda Rusiye tarftan qırımtatarlarnıñ taqıp olğanları meselesine  bağışlanğan " Özüne sadıqlıq  cinayet degil" adlı sergisini açtı. Bu sergi  Rusiyenen "ekstremizm" ve "terrorizm" maddelerine qabaatlanğan ve  apis etilgen qırımtatar siyasiy mabuslernin balalarnıñ ayatları aqqında.Seyran Saliyev siyasiy mabusnıñ apayı, "Qırım balalığı" teşkilâtnıñ koordinatorı "Suspilne Krim"nen öz fikirlernen paylaştı. Aytqanına köre, özü de, aqayi de faaller olıp, bütün dünyağa repressiyalar aqqında aytmağa mecbur olğanlarını qararlamay edi. 
• Kiyevdeki kino Evinde işğal etilgen Qırımda ve Donbasta yaşayış aqqında “Ketmege istegenler kettiler mı?” adlı mültfilmni taqdim ettiler. Serial qaramanları arasında - şimdiki vaqıtında işğal etilgen  Qırımda yaşağan qırımtatar qadını Mümine Saliyeva. Ömür arqadaşı Seyran makemelenmesi soñ Mümine yalnı dört balasını baqa. Ondan ğayrı “Qırım balalağı” leyhanıñ koordinatrı ve “Qırım birdemligi” teşebbüsnin faali ola.