Ükümet, işğal etilgen territoriyalarnıñ sakinlerinen YÜ ihtiyariy bergini idare etmege planlaştıra
Maliye nazirligi, Ukrainanıñ vaqtınca işğal etilgen territoriyasında mesken yerinen yekâne ücretiniñ ödeyicilernen mecburiy içtimaiy devlet sigortasına ihtiyariy yekâne ücretiniñ intizamı aqqında Nazirler kaninetiniñ qarar leyhasını azırladı.
Ukraina zenaat birligi Federatsıyasınıñ (UZBF) saytında muzakeresi içün uyğun leyhası yayınlandırılğan.
Qayd etilgeni kibi, şimdi mesele, idare etilmegen.
Vesiqağa binaen, Ukrainanıñ işğal etilgen territoriyasında mesken yerinen 16 yaşını toldurğan şahıslar, Ukrainanıñ başqa territoriyasındaki bergi organına mecburiy içtimaiy devlet sigortası sistemasında ihtiyariy iştirağı aqqında uyğun arizasını bermek kerekler.
Leyhağa ilâve etilgen izaatnamede şusı qayd etile ki, daima işğal etilgen territoriyasında yaşağan Ukraina vatandaşlarnıñ yoqluq meselesi bar.
Bunen beraber, bu intizamnıñ maqsatları içün “vaqtınca işğal etilgen territoriyası” ıstılası, 2014 senesi çiçek aynıñ 15’den “Vaqtınca işğal etilgen territoriyasında uquqiy rejimi ve vatandaşlarnıñ aqlarınıñ ve serbestliklerniñ temin etilmesi aqqında” Ukraina emiriniñ 3 maddesinen tayin etilgen manasında qullanıla. Yani tek Qırım Muhtar Cumhuriyeti ve Aqyar şeeriniñ territoriyası.
