İttifaq añlaşmanıñ uyğun metinini Spiegel yayınladı.

Añlaşmanıñ metininde Almaniyadaki yañı akimiyeti, Rusiyenen konstruktiv muzakeresine azır amma Şarqiy Avropadaki ortaqlarnıñ meraqlarnı da ürmet etkeni aqqında söz kete.

“Ukrainanıñ stabilsizleşme ıntıluvlarına, Ukrainanıñ şarqında tecavuzına ve Qırımnıñ qanunsız işğalini deral bitirmek kerekmiz. Ukrainanıñ şarqında davanıñ barışıqlıq çezilmesine yolu ve uyğun sanktsıyalarnıñ lâğu etilmesi minsk añlaşmalarnıñ bütünle amelge keçirilmesine bağlı. Biz, vilâyetteki davalarnı çezmege isteymiz”, - denile beyanatta.

Bundan da ğayrı, yañı koalitsiya, energetik meselelerinde ve teren meselelerniñ çezilüvinde Rusiyenen işdeşlikte bulunmağa istegi aqqında ilân etti. Bundan da ğayrı, Rusiyedeki grajdan ve demokratik serbestlilerniñ  sıñırlamalarnı tenqit etti.

Daa añlaşmada 25 yaşına qadar gençler içün Almaniya ve Rusiye arasında vizasız yolculıqlarnı başlamağa niyeti de qayd etile.