AQŞ prezidenti, Ukrainanı demokratiya sammitine davet etti
10:11, 24 Qasımay
Foto menbası: 5 канал
AQŞ prezidenti Co Baydenniñ demokratiya sammiti, ilk qış aynıñ 9-10 virtuaş rejiminde ötkerilecek. Ukraina, davet etilgen ülkelerniñ arasında buluna.
Bunıñ aqqında amerikalı devlet departamentiniñ saytında denile.
Devlet departamentiniñ malümatına köre, temsilcilerniñ cedveli 110 ülkeden ibaret. Cedvelge Tayvan, İndistan, Filippinler, Poloniya da kirsetilgenler. Türkiye, Rusiye ve Qıtay cedvelde yoq.
Dünya liderlerden ğayrı, Bayden, grajdan cemiyetteki ve hususiy sektirdaki vekillerni davet ete.
Qayd etilgeni kibi, muzakere, kelecek sammitiniñ çerçivelerinde daa bir yılğa uzatılacaqtır. Anda liderler virtual tarzda degil, şahsen körüşecekler.