Bunıñ aqqında bildirüv, salı künü, qasım aynıñ 23, haberdar menbalarğa atıfnen CNN telekanalı ile yayınlandırılğan edi.

Qayd etile ki, AQŞ, Ukrainağa Javelin soyundan tanklarğa qarşı raketalı komplekslerni ve mina atıcılarnı teslim etmege isteyler. Daa Kiyevge Stinger taşıyıcı zenit-raketalı komplekslerniñ ve baştan afğan ordusı içün tayin etilip Rusiyede satın alınğan Mi-17 helikopterlerniñ yollanuvınıñ imkâniyeti baqıla.

Tafsilâtlıca oquñız: “Arbiylerni ukrain sıñırına keçirip, Rusiye, telükesizlik vaziyetini keskinleştirmege tırışa”, - Danilov

CNN malümatına köre, AQŞ memuriyetteki bazı memurlar, Moskva, Vaşingtonnıñ böyle teslimatlarnı vaziyetni kerginleştirmege ıntıluvı kibi köre bilecegi sebebinden qasevet bildireler. Böyle şaraitlerde arbiy mesleatçılardan birev Ukrainağa kerçekten de ketecekmi dep belli degil. 

Tafsilâtlıca oquñız: Britaniya ve Frenkistan, Ukrainağa RF ücüm etüviniñ ağır aqibetleri aqqında bildirdiler

Bundan da ğayrı, tekekanal böyle malümatnı aldı ki, amerikalı tarafı, Rusiye, Ukraina territoriyasına ücüm etse, yañı sanktsıyalar paketiniñ işlep çıqarılmasına dair avropa ortaqlarınen muzakerelerni keçire.

Belli olğanı

• RF Ukrainağa ucum etse, AQŞ Senatında sanktsiyalarını teklif ettiler.
• AQŞ devlet kâtibi Entoni Blinken ilân etkeni kibi, Ukrainağa dair Rusiyeniñ siyasiy ve arbiy areketleri Qoşma Ştatlarnı qorqutalar, çünki RF prezidenti Vladimir Putinniñ niyetlerini bilmeyler.
• Rusiye, işğal etilgen Qırımğa 56-cı desant-ücün etici polknı alıp  keçire.
• Ukraina tışqı işlet naziri Dmitriy Kuleba, AB tuşqı işler nazirler şurasınıñ oturışı ögüne Avropa birliginiñ tışqı işler ve telükesizlik siyasetiniñ vekili Jozep Borrelnen telefon muzakeresini keçirdi.