Bunı “İzvestiya” gazetası bildire.

ТОС-1А, “Sonntsepek”, ve TOC-2 “Tosoçka” ateş atıcı sistemaları aqqında söz kete. Olar, Rusiyedeki Cenübiy arbiy bölgesinde yañçıq qurulğan batalyonlarnıñ silâlaştıruvına yollanılacaqlar.

Tafsilâtlıca oquñız:  “Arbiylerni ukrain sıñırına keçirip, Rusiye, telükesizlik vaziyetini keskinleştirmege tırışa”, - Danilov

Bundan da ğayrı, “cenüpten Rusiyeni qorymaq” içün rusiye mudafaa nazirliginiñ Kavkaz, işğal etilgen Qırımnı ve Ukrainanen sıñırını “qapatmağa” niyeti bar. Ateş atıcı sistamalarnı ğarbiy strategik yönelişine de alıp keçirmek münkün olğanında inandıralar. Demek, “Tosoçka”, yüz kilometr mesafesinde umumiy qullanuvı içün yollarında areket ete bile.

Belli olğanı 

• Britaniyada şunı hatırlattılar ki, soñki vaqıt içinde RF, ukrain sıñırlarına 90 biñ rusiye arbiyni alıp keçirdi. Frenkistan, Rusiyeniñ Ukraina sıñırlarnıñ yanında arbiylerniñ arttırmasınen qasevet etkenini bildirdi. 
• RF Ukrainağa ucum etse, AQŞ Senatında sanktsiyalarını teklif ettiler.
• AQŞ devlet kâtibi Entoni Blinken ilân etkeni kibi, Ukrainağa dair Rusiyeniñ siyasiy ve arbiy areketleri Qoşma Ştatlarnı qorqutalar, çünki RF prezidenti Vladimir Putinniñ niyetlerini bilmeyler.
• Rusiye, işğal etilgen Qırımğa 56-cı desant-ücün etici polknı alıp  keçire.
• Ukraina tışqı işlet naziri Dmitriy Kuleba, AB tuşqı işler nazirler şurasınıñ oturışı ögüne Avropa birliginiñ tışqı işler ve telükesizlik siyasetiniñ vekili Jozep Borrelnen telefon muzakeresini keçirdi.