TİN, diplomatlarğa, Apple Music’te Qırımnı rusiye olaraq tasvir etüvi sebebinden Apple kompaniyasına muracaat etmege avale etken
14:40, 20 Ekimay
Foto menbası: ldaily.ua
Apple Music for Artists ilâvesinde qullanıcılar, Qırım, Ukrainanıñ qısmı kibi qayd etilmegenini kördiler. Ukraina tışqı işler nazirligi, AQŞ’daki ukrain elçiligine, uyğun mobil ilâvesinde Qırımnı ukrain olaraq qayd etilmesiniñ yoq oluvına dair Apple kompaniyasına muracaat etmege avale etken.
Bunıñ aqqında “Azatlıq Radiosınıñ” tefsirinde TİN vekili Oleg Nikolenko haber etti.
“Tışqı işler nazirligi, AQŞ’daki Ukraina elçiligine, bu vaziyetini añlamaq içün Apple kompaniyasına muracaat etti. BMT Baş assambleyasınıñ qararında Qırım statusını Ukraina territoriyasınıñ ayırılmaz qısmı olaraq şube astına oğrata bilgen areketlerden uzaq turmağa talap eteler”, - ilân etti Nikolenko.
Belli olğanı
- Apple amerikalı kompaniyası, çalğıcılarğa yırlarnıñ diñlevlerini ülkeler boyunca közetmege izin bergen Apple Music programmasındaki haritasında Qırımnı Rusiye Federatsıyasınıñ qısmı olaraq tasvir etti.