Bunı advokat Sergey Legostov, “Qırım birdemligine” tarif etken. Daa tüzetici müessiseniñ qaba bozuluvları aqqında bildirdi.

Advokatnıñ malümatına köre, Novoçerkassktan kelgen soñ, ilk nevbetten o, Oleg Prihodkoğa kelgen.

“Makemelengeninen körüşüv, qanunda qayd etilgen gizlilige uymayıp keçirilgen edi. Körüşüvde, muzakereni yazğan video kameralı müessise vekili bulunğan edi. Prihodko özü, cam artında tura edi, bağı pek keyfiyetsiz edi. 25 daqiqa soñ muzakere, apishanedeki üyle teneffüzı sebebinden bitirilgen edi”, - denile beyanatta.

Advokat daa şunı qayd etti ki, makemelengenine imzalav içün vesiqalarnı alıp bermege izin bermediler - o, qaidelerniñ qaba bir bozuluvıdır. İmzalav müddetini qasım ayında coyğan ükümniñ şikâyetine temyiz şikâyeti aqqında söz kete. Bundan da ğayrı, advokat aytqanı kibi, İAAB’de meraqlarnıñ taqdim etüvine işanç kâğıtı, ekim sırı olğan malümatlarnıñ tarif etilmesine razılığı, şahsiy malümatlar ve tutulğan şaraitler aqqında Prihodkonıñ sorğuğa çekilmesiniñ alıp berilmesinde red etilgen edi. 

Legostovnıñ malümatına köre, onıñ imayesi astında bulunğanı şunu tarif etti ki, Vladimir merkezinde üç ay bulunğan müddeti içinde oña kerek olğan ilâçlarnı alıp bermeyler. Apishanedeki ekim, onı iç bir vaqıt baqmay edi. Rusiye penitentsıar hızmetiniñ (Cezalarnıñ amelge keçirilmesiniñ Federal hızmeti) vekili, böyle vaziyet ne içün peyda olğan sualine advokatqa cevap berilmesinden vazgeçti. 

“Olarnıñ iqtidarında bütünle bulunğan insanına dair ters bir munasebeti ola”, - dedi qoruyıcı.

Bundan da ğayrı, Oleg Prihodko, bütün bu müddet içinde bir özü kamerada bulunğanı aqqında tarif etti.

“Bütün kün aya ta turmağa mecbur, çünki tek gece vaqtında yatmağa izin bereler. Bundan da ğayrı, iç bir mektübini almağan. O da mektüplerni er kün yazğanına baqmadan, onıñ mektüpleri de soy-soplarına yollanılmaylar. Soyasiy mabusınıñ fikrine köre, onıñ bütün poçtası, tüzetici müessisesinen teşkerile. Advokat bunı “malümat açlığı” dep adladı”, - tarif etti Legostov.

Onıñ malümatlarına köre, apishaneniñ memuriyeti, siyasiy mabusına onıñ şahsiy şeylerini bermege red ete. Bu şeyler arasında soy-soplarnıñ ve tuvğanlarınıñ telefon nomeraları bar. Advokat haber etkeni kibi, qanunnıñ çoq sayılı bozuluvları aqqında Vladimirdeki prokuraturasına şikâyetnen muracaat etti.

Belli olğanı

• 2019 senei orta küz aynıñ 9 işğalcılar Oleg Prihodkonı tutıp alıp “FTH” binasında bütün gece tutıp onıñ garajına tintüv içün alıp ketirdiler, anda ise onıñ apansızlığına da patlayıcı maddesini taptılar.
• Prihodkonı tevqif etip terroristik aktına azırlanuvında ve patlayıcı maddelerniñ qanunsız işlep çıqarılmasında qabaatladılar. Keççe oña “qanunsız satın aluvı, naqil etüvi, satuvı, saqlavı, taşuvı” ve İlbavdaki Rusiye baş konsullığı binasınıñ patlavınıñ planlaştıruvı qoşuldı. 
• Saban aynıñ 3 Rostov-na-Donudaki Cenübiy arbiy bölge makemesiniñ makemeci Aleksey Magomadov, qırım siyasiy mabusı Oleg Prihodkonı patlayıcı maddesiniñ saqlanuvı ve terraktqa azırlanuvında qabaatlı tanıp oña ilk yılınen türmede qattı nizamlı cezahanesinde 5 yılğa azatlıqtan marum etüvini tayin etti.