“Sluga narodu” fraktsiyasınıñ mebusı Zelenskıynıñ etilgen Qırımğa suv berilmesine munasebetini bildirdi  

Глянько Катерина
·
11:29, 21 Oraqay
“Sluga narodu” fraktsiyasınıñ mebusı Zelenskıynıñ etilgen Qırımğa suv berilmesine munasebetini bildirdi  
Foto menbası: УНІАН

Ukraina prezidenti Volodımır Zelenskıy, Dnipro özeninden işğal etilgen Qırımğa kene suv berilip başlamasına qarşı çıqtı. 

Onıñ mevamını “Sluga narodu” fraktsiyasınıñ mebusı Bogdan Yaremenko öz Facebook saifesinde bildirdi

“İşğal etilgen Qırımğa kene suv berilip başlamasına onıñ munasebeti nasıl olğanı aqqında sualime,  “Men qarşım”, - dep qısqa  cevap berdi”, - yazdı Yaremenko. 

Yazınıñ tübündeki tefsirlede Yaremenkodan - Zelenskıynıñ cevabı qatiy edimi, dep soradılar. 

“Ebet. Sanki bir şey aytılmağanını bile duymadım”, - dedi o.

Malümat olaraq

  • İşğalden evel Ukraina Şimal-Qırım beketi vastasınen adanıñ tatlı suvğa ihtiyacınıñ 85 faizini temin ete edi. İşğalden soñ ise yarımadağa suv teminatı toqtatıldı. 
  • Ukraina Milliy telükesizlik ve mudafaa şurasınıñ kâtibi Oleksiy Danilov, Rusiye tarafından qanunsız işğal etilgen Qırımda ealiniñ ihtiyaclarını temin etmek içün suv yeterlidir, dep bildirdi.
  • İşğal etilgen Qırım başlıqlarınıñ ricası ile, RF Mudafaa nazirligi, Rusiye ordusınıñ bölükleri Aqmescitke suv berilüvi içün Taygan ve Aqmescit suv anbarlarını bağlaycaq  50 kilometrlik boru toşedi
  • Eñ yaqın suv anbarlarınıñ yedeklerinden işğal etilgen Aqmescit içün suv 110 künge qalğan.
  • Oraq ayınıñ 9-nda Herson şeer şurasnıñ sessiyasında millet vekilleri Ukraina prezidenti Volodımır Zelenskıy, Ukraina Yuqarı Radası ve Ukraina Baş naziri adına işğal etilgen Qırımğa suv berilüviniñ qabul etilmemezligi aqqındaki arizağa rey berdiler
  • Qırımnıñ işğal başı Sergey Aksönov aqımdaki seneni, 150 yıl içinde yarımadanıñ eñ qurğaq yılı, dep adlandırdı. Yağanaqlar olmağanı sebebinden eñ kergin vaziyet Aqmescittedir. 
  • Rusiyeniñ işğali altında olan Qırımdaki Qarasuvbazar suv anbarınıñ vaziyeti oraq ayında bayağı fenelaştı.