Bunı Ukraina İŞN SQ Facebook saifesinde haber etti.

Süjette 2014 senesi rus işğal ordularnıñ Qırımda tecavuziy areketleri zamanda ukrain askerlernıñ kerçek tarihleri tasvir etileler.Kelecek kinonıñ daa bir adı “Bir daqkada hainlik etmez” bar. Çıqaruv 2022 senesi baarde başlanacaq. Esas qısımı Odesada keçecek.

“Bu film oğlanlarımız aqqında çıqarılacaq. Olar öz areketler ile Ukrainanıñ küçlü olğanını kösterdiler.  2014 senesi ilk baar aynıñ 20  kursantlar Aqyardaki akademiyanıñ platsta çıqıp, devlet gimnmıznı yırladılar. O zamanda men añladım, böyle insanlarımız olğance biz teslim olmacamız”, Seytablayev ayttı.

Ondan ğayrı, Ukraina qoruciları künü, ekim aynıñ 14 Odesada Ukraina İŞN SQ komandanı Öleksіy Neyijpapa ukrain “Deñıznen çağırılğan” adlı filmge imdat bildirtken vesiqanı imzaladı. 

“Dostlarmızğa seçilgen mevzu  - Arbiy-deñız quvetler ve Qırımda 2014 senesi olğan vaqalar - içün teşekür bildirtmege isteyim. Çünki cemaatımızğa keçken yıllarnıñ vaqıalarını unutmağa mümkün degil, olarnı unutıp kelecekmiznı coymaq mümkün. Biz Ukraina grajdanı kim olğanı köstertmege mecburmız. İnsan bir şeyge qulaq asmayıp, öz halqına, öz devletine hızmet etmege qarar çıqara. Bu Ukrainanıñ aqqıqıy vatanpervernıñ saylav ve er bir grajdanımız bunı hatırlamaq kerek”, - ayttı.

Mihaylo Uhman qoştı ki, Ukrainağa milliy kino kerek. 

"Devletmizde kinozallarını yığğan, mekteplerde, aliy oquv yurtlarda muzakere etilgen filmlar kerek. Böyle filmler ile Ukraina grajdanları terbiye etilecekler. Bizge milliy kino kerek, oñı em şeyerlerde, em de köylerde baqıp, külmege ve ağlamağa mümkün,” - prodüser ayttı.

Malümat olaraq

• 2020 senesi “Çerkası” adlı film çıqtı. O 2014 senenin baarde olğan kerçek  vaqıalarını tasvirley. O zamanda Donuzlav gölnı blok etip, rus işğalciler “Çerkası” adlı tralcinı zapt ettiler. Filmde soñuna zapt etilgen tralcinıñ erkânı aqqında aytıla.​