Bunı Frenkistanda Ukraina elçiligi bildire. 

“Bu vaqia, ülkemizniñ territorial bütünligine qol tutqan UNESCO ortaqlarımıznıñ ve Ukrainanıñ ğalebesi olğan. Qırım meselesi, UNESCO’nıñ kün tertibinde qala”, - ilân ettiler diplomatik missiyasında. 

Qayd etilgeni kibi, “işğal etilgen Qırımda medeniy mirasınıñ viran etüvi, insan aqlarınıñ bozuluvları halqara diqqatsız qalmaylar, halqara-uquqiy mehanizmlerniñ ve halqara monitoringniñ çerçivelerinde çezileceginde” emin oluvını bermey.

Frenkistanda Ukraina elçisi, UNESCO’da Ukrainanıñ daimiy vekili Vadim Omelçenko qayd etkeni kibi, bu qarar - tek Ukraina ve onıñ ortaqlarınıñ ğalebesi degil, bütün medeniy dünyasınıñ ğalebesidir. 

“UNESCO’da Ukrainadan işdeşlerimniñ sistematik işi, Kanada, Büyük Britaniya ve AB’deki ortaqlarımıznıñ destegi içün teşekkürler bildirmege isteyim. Bundan da ğayrı, bugünki qararınıñ destegine öz reyini bergen Afğanistan vekillerine de”,- qayd etti o.

Qarar, ukrain tarafınen beraberlikte azırlanılğan UNESCO baş müdiriniñ maruzasınıñ esasında, UNESCO’nıñ institutsıyalı ortaqları, insan aqları boyunca BMT Baş komissarnıñ idaresi ve başqalarınen alınğan edi. 

Maruzada, vaqtınca işğal etilgen Qırım Muhtar Cumhuriyetinde ve Aqyar şeerindeli insan aqlarnıñ bozuluvlarğa, medeniy mirasınıñ viran etüvine diqqat çekile.

UNESCO baş müdiri, kelecek maruzanı İcraiy şurasınıñ 215-ci sessiyasındaki monitoringiniñ neticelerine köre, işğal etilgen Qırımda vaziyeti aqqında taqdim etecegi közde tutula.