Bunıñ aqqında Qırım birdemligi bildire. 

“Aqmescitniñ Kiyev rayon makemesi, Arsen Ahtemovğa 15 ruble miqdarında (5 573 grn) memuriy cöremeni ödetti “, - denile beyanatta. 

Tafsilâtlıca oquñız: Nariman Celâlov, apishaneden mektüp yolladı

Arsenniñ sözlerine köre, FTH binasına onıñ ağası Arsen ğayıp olğanını bilgen soñ çıqıp ketti. Anda babası da buluna edi. FTH hadimi, bulınğanlarnı Qırımdaki işğal başınıñ emiriniñ bozuluvı aqqında ihtar etkenini eşitken soñ ve kelgen avtozaklarnı körgen soñ, tutıp alınmasıñ dep ketmege qarar bergen. Lâkin FTH binasından 200 metrde onıñ artından yetişip onı tutıp aldılar.

“Yaralarım bar edi. Meni urıp tüşürgenlerde, daa tahminen beş metrge yuvarlandim”, - tarif etti Arsen.

Belli olğanı

• İlk küz aynıñ 3 ve 4 Aqmescitte ve Kezlevde beş qırımtatarını Perevalnoye köyündeki gaz borusınıñ patlavında şübesi boyunca tevqif ettiler (iş adamı Eldar Odamanov, ağa-qardaş Aziz ve Asan Ahtemov, Şevket Üseinov ve qırımtatar halqnıñ Meclis başı Nariman Celâlnı). 
• Tevqif etilgenlerniñ soy-sopları, advokatları  ve başqa insanlar FTH binasına keldiler.
• 58 iştirakçı tutığ alınğan edi. 56’na dair 10-50 biñ rublesi miqdarında cöremeni közde tutqan RF CK 20.6.1 maddesi boyunca (“fevqulâde vaziyeti vaqtında areket etüv qaidelerine riayet etmemesi ya da onıñ peyda ettirüv havfı”) memuriy protokolları tizilgen edi.
• Aqmescitteki işğal Kiyev rayon makemesi, ilk küz aynıñ 4 tevqif etilgen qırımtatarı Asan Ahtemovnıñ anası Zarema Ahtemovağa 10 biñ ruble miqdarında cöreme ödetken.