Moskvada belli olmağanları, Açlıq aqqında filmniñ kösterüvini bozdılar
Moskvada belli olmağanları, Ukrainada Açlıq devri aqqında “Garet Cons” filmniñ kösterüvini bozdılar. Keççe vaqia yerine seyircilerni binada bir qaç saat içinde tutqan uquq qoruyıcılar keldiler.
Bunıñ aqqında İçtimaiy Qırımnıñ muhbirlerine Memorial uquq qoruyıcı merkeziniñ hadimi Gleb Strunnikov bildirdi.
Onıñ sözlerine köre, filmniñ kösterüvi, uquq qoruyıcı merkeziniñ binasında ötkerile edi. “Vaqia olğan yerine” kelgen polis hadimleri, binağa advokatlarnı kirsetmege red ettiler.
“Kinozalğa kirip anda tahminen 30-35 adamnı kördim. Olar tecavuziy ediler, qıçırıp ziyaretçilerine sataşa ediler. Olarnıñ çoqusı, sanada toplaşıp “faşistler, masqara, unutmamız” dep qıçıra ediler. Olarnen NTV kanalınıñ timsalâtınen jurnalisti ve kameralar bar ediler. Yani, kanal vekilleri ve sersemlerlernen yapılğan reydi olğanını belli edi”, - tarif etti Strunnikov.
“Memorial” hadimleri şunı haber ettiler ki, uquq qoruyıcılar, közetici kameralardan videolarnı, video qayd eticini ve signalizatsıya levazimatlarnıñ qısmını aldılar.
Belli olğanı
- “Garet Cons” filmni poloniya rejissörı Agneşka Golland çıqardı. Filmniñ kösterüvi, Ukraina, Poloniya ve İskoçiyada (Büyük Britaniya) olıp keçti. Film, ğarbiy matbuatını Açlıq aqqında haberdar etken Garet Cons muhbiri aqqında tarif ete.
