Bunıñ aqqında ombudsmen Lüdmila Denisova haber etti. 

“Bugün RF nezareti astında bulunğan “Aqmescitteki Kiyev rayon makemesinde” Arsen Ahtemov ve Riza Reşetovğa dair makeme oturışları ötkerilecekler”, - denile beyanatta.

Daa şunı qayd etti ki, Rostov-na-Donudaki Cenübiy arbiy bölge makemesinde  “üçünci bağçasaray gruppasına” ait olğan Seytumer Seytumerov, Osman Seytumerov, Amet Suleymanov ve Rustem Seytmemetov iştirakçılarına dair “Hizb ut-Tahrir” degen davasında makeme oturışı ötkerilecek. 

“Halqara cemiyetini nevbetteki makemelerine diqqatını ayırmağa, Rusiye Federatsıyasına basqısını eksiltmemege ve tecavuzcı ülkesinen tevqif etilgen Ukraina vatandaşlarnı serbest etmege çağıram”,- yekün çekti Denisova. 

Belli olğanı

• İlk küz aynıñ 3 ve 4 Aqmescitte ve Kezlevde beş qırımtatarını Perevalnoye köyündeki gaz borusınıñ patlavında şübesi boyunca tevqif ettiler (iş adamı Eldar Odamanov, ağa-qardaş Aziz ve Asan Ahtemov, Şevket Üseinov ve qırımtatar halqnıñ Meclis başı Nariman Celâlnı). 
• Tevqif etilgenlerniñ soy-sopları, advokatları  ve başqa insanlar FTH binasına keldiler.
• 58 iştirakçı tutığ alınğan edi. 56’na dair 10-50 biñ rublesi miqdarında cöremeni közde tutqan RF CK 20.6.1 maddesi boyunca (“fevqulâde vaziyeti vaqtında areket etüv qaidelerine riayet etmemesi ya da onıñ peyda ettirüv havfı”) memuriy protokolları tizilgen edi.