Uyğun vesiqası, Qırımnıñ işğal akimiyetiniñ saytında yayınlandırılğan edi. 

Qayd etilgeni kibi, sanatoriyniñ taşınğan ve köçmez mülkini işğal etilgen Qırımnıñ devlet saipliginden Belgorod vilâyetiniñ devlet saipligine alıp berdiler. 

İnsan aqları boyunca Vilâyet merkeziniñ adliyecisi Yekaterina Raşevskaya tarif etkeni kibi, bu künlerde Rusiye, halqara gumanitar aqnıñ qaidelerni ve insan aqlarnıñ qoruvı aqqında Avropa şartnamesine dair mecburiyetlerni boza.

“ “Brigantinanıñ” devletleştirüvinden soñ onı Rusiye Federatsıyasınıñ subyektine alıp bermege işğal devletiniñ aqqı olmağan edi. O, RF ve memurlarnen mesuliyet çekecek olğan daa bir bozuluvıdır”,- qayd etti o. 

Bundan da ğayrı, uquqçı şunı hatırlattı ki, “Masandra”, devlet saipliginde edi, soñra ise milliyleştirilip Qırım Cumhuriyetiniñ emrine alıp berilgen edi. Soñra RF prezidentiniñ idaresine, keççe Putinge yaqım olğan şahısı Kovalçukqa satılğan edi. 

“Aynı qısmet “Brigantinanı” da bekleycegini tahmin ete bilem”,- yekün çekti Yekaterina Raşevskaya. 

Belli olğanı

• Qırım MC prokuraturası, işğal etilgen yarımadasınıñ territoriyasında “Massandra” şarap zavodınıñ müdirine milliy qıymetlerniñ hırsızlavında şubesini çekti. 
• İşgal etilgen Qırımda eñ eski "Massandra" şarap zavodı "Cenübiy" leyha şirketine 5,327 milliard rublelik (72,8 million dolar) mezat etildi.
• Nazirler kabinetinde “Massandranıñ” bütün alıcılarnı qanun bozucılar kibi adladılar.